Helpwch i lunio ymchwil i wella gofal i bobl â thiwmorau'r ymennydd

Defnyddiwch eich profiad i wneud gwahaniaeth yn y ffordd y rhoddir gofal i bobl sy'n byw gyda thiwmor yr ymennydd.

 Hoffai ymchwilwyr ym Mhrifysgol Caerdydd gynnwys dau aelod o'r cyhoedd i ddod yn rhan o'r Astudiaeth COMBaT (Canlyniadau Craidd i Fesur anghenion clinigol ar gyfer pobl â Thiwmorau Ymennydd cynradd). Mae'r astudiaeth yn ceisio asesu anghenion pobl sy'n byw gyda math o diwmor yr ymennydd o'r enw glioma a'r hyn sydd bwysicaf iddyn nhw. 

Pa brofiad sydd ei angen arnaf i helpu?

 

Profiad bywyd o glioma neu fath arall o diwmor yr ymennydd, naill ai fel:

• Claf sydd wedi cael diagnosis o diwmor ar yr ymennydd, neu
• Gofalwr neu aelod o'r teulu sydd wedi cefnogi rhywun â thiwmor ar yr ymennydd.

 Er nad yw'n angenrheidiol, gallai'r canlynol hefyd fod yn ddefnyddiol:

• Diddordeb mewn ymchwil iechyd neu ganser.
• Parodrwydd i rannu eich barn a'ch profiadau.
• Bod yn gyfforddus wrth ddefnyddio e-bost a galwadau fideo (Teams)
• Y gallu i ddarllen a gwneud sylwadau ar ddogfennau Word.

Beth fydd gofyn i mi ei wneud?

•  Mynychu cyfarfodydd tîm rheolaidd (ar-lein yn bennaf, tua unwaith bob wyth wythnos).
• Paratoi ar gyfer cyfarfodydd trwy adolygu deunyddiau ymlaen llaw.
• Darllen a rhoi sylwadau ar ddogfennau astudiaeth (e.e. arolygon, taflenni gwybodaeth)
• Rhannu eich barn a'ch profiad bywyd i lunio'r ymchwil.
• Rhoi adborth ar:
• Cynllun yr arolwg a’r gweithdy.
• Dadansoddi a dehongli data.
• Deunyddiau’r astudiaeth a’r deunydd cyfathrebu.
• Helpu i sicrhau bod yr ymchwil yn adlewyrchu'r hyn sydd bwysicaf i gleifion a gofalwyr.

Pa mor hir fydd fy angen?

• Byddwch yn rhan o'r astudiaeth COMBaT tan fis Chwefror 2027, a dyna pryd y disgwylir i'r astudiaeth ddod i ben.
• Byddwch yn rhan o'r prosiect trwy gydol ei wahanol gamau, o gynllunio a chasglu data i ddadansoddi a rhannu canlyniadau.
• Mae'r tîm yn hapus i weithio gyda chi i gytuno ar faint o amser y gallwch ei roi a phryd.

Beth yw rhai o'r buddion i mi?

• Dylanwadu ar sut mae ymchwil tiwmor yr ymennydd yn cael ei gynllunio a'i gyflwyno yn y dyfodol.
• Sicrhau bod lleisiau pobl sydd â phrofiad bywyd yn cael eu clywed a'u gwerthfawrogi.
• Gweithio ochr yn ochr ag ymchwilwyr a chyfranwyr cyhoeddus eraill mewn amgylchedd cefnogol. 

Pa gefnogaeth sydd ar gael?

Bydd Prifysgol Caerdydd yn:

• Talu costau teithio rhesymol a chostau gofalwr neu ofal plant ychwanegol.
• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).
• Byddwch yn derbyn hyfforddiant, mentora a chefnogaeth gan weithwyr cynnwys y cyhoedd proffesiynol profiadol.

 Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth Helpu ag Ymchwil.

 Cwblhewch y ffurflen isod