Diweddariadau newydd i offeryn diwygio'r DU

Mae'r Awdurdod Ymchwil Iechyd a'r gweinyddiaethau datganoledig wedi diweddaru offeryn diwygio'r DU yn unol â'r canllawiau presennol ar gyfer newidiadau i'r Llyfryn Ymchwil.

Mae'r fersiwn ddiweddaraf o'r offeryn bellach yn nodi nad oes angen cyflwyno newidiadau sylweddol i'r Llyfryn Ymchwil i Bwyllgor Moeseg Ymchwil y GIG i'w hadolygu.

Bydd y fersiwn newydd o'r offeryn diwygio yn annog yr ymgeisydd i ystyried a oes angen adlewyrchu unrhyw un o'r newidiadau a wnaed i'r Llyfryn Ymchwil yn y dogfennau i’r cyfranogwyr.  Bydd yn gofyn am gyfiawnhad pan na chaiff dogfennau sydd wedi eu diwygio ac sydd ar gyfer cyfranogwyr yn cael eu cyflwyno gyda'r diwygiad i’r Llyfryn Ymchwilio. Gellir cyflwyno unrhyw ddogfennau sydd wedi eu diwygio ac sydd ar gyfer cyfranogwyr gyda'r Llyfryn Ymchwil (os yw'n barod) neu fel rhan o ddiwygiad dilynol. Yn unol â'r canllawiau presennol, bydd diwygiadau sylweddol i ddogfennau sydd ar gyfer cyfranogwyr i adlewyrchu newidiadau i’r Llyfryn Ymchwil yn parhau i fod angen ei adolygu gan Bwyllgor Moeseg Ymchwil y GIG; bydd yr offeryn diwygio yn nodi hyn.

Gwnaed newidiadau eraill hefyd i'r offeryn diwygio i'w gwneud yn haws i'w ddefnyddio gan gynnwys:

• Gwell canllawiau yn y tab Cyflwyno;
• Newidiadau i'r botymau dewis radio i'w gwneud yn gliriach i'w gwblhau a'i weld ar ôl eu trosi'n pdf;
• Newidiadau i helpu defnyddwyr i osgoi camgymeriadau cyffredin.

Gallwch gael yr holl fanylion am y newidiadau a wnaed yn y Cofnod Newid yn y tab Canllawiau Cyffredinol ar yr offeryn.

Dylid cyflwyno pob gwelliant newydd, o 6 Rhagfyr, gan ddefnyddio'r fersiwn newydd (1.6).

Mae cyfnod o bythefnos lle bydd diwygiadau yn dal i gael eu derbyn gan ddefnyddio fersiwn 1.5, ond ni dderbynnir gwelliannau a gyflwynir ar fersiwn 1.5 ar ôl 20 Rhagfyr 2021.