Dychmygu dyfodol mwy disglair i ofal cymdeithasol yng Nghymru.

Ymunwch â'r Lab, labordy arloesi gwasanaethau cyhoeddus Cymru, a Gofal Cymdeithasol Cymru am weithdy rhyngweithiol wyneb yn wyneb i archwilio barn pobl mewn gofal cymdeithasol a'u gweledigaethau ar gyfer dyfodol gofal cymdeithasol. Bydd y sesiwn dwy awr hon yn rhannu ac yn archwilio'r hyn sydd gan ymchwil ac arloesedd i'w wneud â gofal cymdeithasol.

Bydd mynychwyr yn archwilio '10 gweledigaeth o ddyfodol gofal cymdeithasol yng Nghymru' a oedd yn deillio o raglen ymchwil 2022 gyda thros 70 o bobl ar draws gofal cymdeithasol yng Nghymru.

Mae’r digwyddiad hwn ar gyfer:

• pobl sy’n gwneud gwaith ynghylch gofal cymdeithasol neu’n gweithio ynddo
• y rhai sydd â phrofiad bywyd yn ein system gofal cymdeithasol
• teuluoedd (neu rwydweithiau cymorth) sy’n defnyddio gofal cymdeithasol.