Gweminar y Gyfadran: Therapïau seicolegol gyda phobl ag anableddau dysgu – heriau a chyfeiriadau i’r dyfodol gyda'r Athro Peter Langdon

Rydym yn gwybod bod pobl ag anableddau dysgu yn cael eu heithrio o bron pob treial clinigol, gan gynnwys treialon clinigol a gynlluniwyd i brofi ymyriadau iechyd meddwl, er bod pobl ag anableddau dysgu yn fwy tebygol o gael anawsterau iechyd meddwl. Mae angen addasu ymyriadau fel therapïau seicolegol siarad i ddiwallu anghenion pobl ag anableddau dysgu. Ar gyfer y rhai ag anableddau dysgu mwy difrifol, mae angen dewisiadau amgen i therapïau seicolegol siarad.

Nod y sgwrs hon yw adolygu sut mae therapïau seicolegol ar gyfer pobl ag anableddau dysgu yn cael eu haddasu a’r sylfaen dystiolaeth gysylltiedig ar gyfer yr ymyriadau hyn. Bydd heriau recriwtio pobl ag anableddau dysgu i dreialon clinigol ac atebion posibl yn cael eu hystyried. Dylai addasu therapïau seicolegol i'w defnyddio gyda phobl ag anableddau deallusol gynnwys mwy o bwyslais ar faterion cymdeithasol. Mae hyn yn cynnwys amrywiaeth o faterion fel tlodi, stigma, bwlio, labelu, ac yn fras, pob math o allgáu cymdeithasol ledled ein cymdeithas a rennir, gan gynnwys eithrio o dreialon clinigol.

Cwblhaodd Peter ei radd israddedig ym Mhrifysgol Goffa Newfoundland cyn mynd ymlaen i gwblhau astudiaethau ôl-raddedig mewn seicoleg glinigol yn y Sefydliad Seiciatreg, Seicoleg a Niwrowyddoniaeth fel Cymrawd yr Arglwydd Rothermere. Cwblhaodd PhD ac ôl-ddoethuriaeth a ariannwyd gan y Sefydliad Cenedlaethol dros Ragoriaeth mewn Iechyd a Gofal yng Nghanolfan Tizard, Prifysgol Caint. Mae'n gymrawd Cymdeithas Seicolegol Prydain a'r Gymdeithas Ryngwladol ar gyfer Astudiaeth Wyddonol o Anableddau Deallusol a Datblygiadol. Mae wedi cyfuno gwaith clinigol ac academaidd gyda phobl ag anableddau dysgu drwy gydol ei yrfa.

Cyflwynwch eich cwestiwn i Peter ei ateb yn ystod y weminar.