Beth am helpu i wella profi am ganser genetig i gleifion yng Nghymru?

Dyma'ch cyfle i lunio astudiaeth fawr sydd â’r nod o drawsnewid profi am ganser yng Nghymru a thu hwnt.

Mae QuicDNA Max yn astudiaeth a fydd yn cael ei chynnal mewn Byrddau Iechyd ledled Cymru a bydd yn cael ei chydlynu gan y Ganolfan Treialon Ymchwil. Mae'r ymchwil yn canolbwyntio ar ddefnyddio prawf gwaed syml i ganfod DNA canser a'i fwtaniadau a all helpu meddygon i adnabod genynnau sy'n gysylltiedig â chlefyd, cynllunio triniaeth wedi'i thargedu a monitro'r clefyd yn well. I gychwyn, bydd yr astudiaeth yn canolbwyntio ar sawl math o ganser, gan gynnwys canser yr ysgyfaint, y prostad, y coluddyn a chanserau lle mae'r prif safle yn anhysbys.

Pa brofiad sydd ei angen arnaf i helpu?

Byddai profiad o adolygu prosiectau ymchwil yn fanteisiol. Mae'r Ganolfan Ymchwil Treialon yn chwilio am bobl sydd:

• Â phrofiad personol neu deuluol o ganser.
• Yn gyfarwydd â'r GIG yng Nghymru
• Yn gyfarwydd â phrofion genomig (yn ddefnyddiol ond nid yn hanfodol)
• Yn teimlo'n hyderus wrth ddarllen a rhoi sylwadau ar wybodaeth i gleifion

Beth fydd gofyn i mi ei wneud?

• Adolygu a rhoi sylwadau ar ddeunyddiau sy'n wynebu cleifion fel taflenni gwybodaeth, ffurflenni cydsynio, a holiaduron.
• Mynychu cyfarfodydd misol Grŵp Rheoli Treialon (TMG) (un awr) trwy Microsoft Teams.
• Defnyddiwr TG cymwys ar gyfer dogfennau a mynychu cyfarfodydd rhithwir (Teams)
• Rhoi adborth sy'n helpu i lunio dyluniad yr astudiaeth a’r broses o’i chyflwyno yn seiliedig ar brofiadau yn y byd gwirioneddol.
• Dylanwadu ar ba ganlyniadau iechyd sy'n bwysicaf i bobl y mae canser yn effeithio arnyn nhw.
• Helpu i nodi rhwystrau i gymryd rhan a chynnig datrysiadau ymarferol.
• Helpu i sicrhau bod yr ymchwil yn parhau i fod yn berthnasol, yn foesegol ac yn canolbwyntio ar yr hyn sy'n bwysig i gleifion a theuluoedd.

Pa mor hir fydd fy angen?

Hyd: Hyd at bum mlynedd (cylch oes cyfan yr ymchwil).

Amser pob mis:

Tua awr: Cyfarfod Grŵp Rheoli Treialon (misol ar y dechrau ac yna’n chwarterol)

Tua awr yr wythnos: adolygu deunyddiau (dogfennau, gwybodaeth am gleifion)

       Gweithdai hyrwyddo neu hyfforddi achlysurol (dewisol)

Beth yw rhai o'r buddion i mi?

• Gwneud gwahaniaeth: Bydd eich profiad yn helpu i lunio ymchwil sy'n effeithio'n uniongyrchol ar ddiagnosis a thriniaeth canser.
• Datblygiad personol: Ennill profiad gwerthfawr mewn ymchwil iechyd a chyfrannu at ddylunio deunyddiau i gleifion a phrosesau’r astudiaeth.
• Cymryd rhan yn hyblyg, o bell: Mae pob cyfarfod ar-lein, felly gallwch gymryd rhan o gysur eich cartref eich hun.
• Cyfrannu at well gofal: Helpu i wella profion a thriniaeth canser, gan gael effaith wirioneddol ar ddyfodol gofal cleifion.

Pa gefnogaeth sydd ar gael?

• Mae pwynt cyswllt ar gael ar gyfer unrhyw ymholiadau ac a fydd yn rhoi cymorth ynghylch cyfarfodydd ac adolygu dogfennau.
• Talu costau teithio rhesymol a chostau gofalwr neu ofal plant ychwanegol, 

• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).

Darllenwch ein canllawiau i gael mwy o wybodaeth am hyn. 

Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth Helpu ag Ymchwil.

Llenwch y ffurflen isod