Ydych chi neu'ch partner yn cynllunio ble i roi genedigaeth?

Helpwch ymchwilwyr i ddeall pa fath o wybodaeth y mae menywod a'u partneriaid ei eisiau wrth benderfynu lle i roi genedigaeth.

Mae ymchwil ac adolygiadau o wasanaethau mamolaeth yn awgrymu nad yw llawer o fenywod yn cael digon o wybodaeth am eu dewisiadau wrth gynllunio lle i roi genedigaeth.   

Nawr, mae ymchwilwyr eisiau siarad â menywod sydd naill ai'n feichiog, ar hyn o bryd, yn cynllunio beichiogrwydd neu sydd wedi rhoi genedigaeth o fewn y flwyddyn ddiwethaf, neu eu partneriaid, i ddeall beth maen nhw eisiau ei wybod ac unrhyw fylchau mewn gwybodaeth a roddir iddynt am ble i eni eu babi. 

Pa brofiad sydd ei angen arnaf i helpu?

Bydd angen i chi fod:

• Yn barod i rannu eich barn a'ch profiadau
• Yn gallu ymuno â chyfarfod ar-lein
• Yn feichiog, yn cynllunio beichiogrwydd ar hyn o bryd neu wedi rhoi genedigaeth o fewn y flwyddyn ddiwethaf (neu'n bartner i'r uchod)

Beth fydd gofyn i mi ei wneud?

• Gofynnir i chi drafod eich barn a'ch profiadau wrth gynllunio lle i roi genedigaeth.

Pa mor hir fydd fy angen?

• Bydd eich angen ar gyfer un cyfarfod fydd yn para awr rhwng 10:30 ac 11:30 ar 10 Medi.

Beth yw rhai o'r buddion i mi?

• Bod yn rhan o brosiect a allai newid y ffordd y rhoddir gwybodaeth wrth gynllunio ble i roi genedigaeth
• Profiad gwerthfawr o weithio gydag ymchwilwyr ac aelodau eraill o’r cyhoedd
• Helpu i wneud yn siŵr bod llais y cyhoedd yn cael ei glywed.

Pa gefnogaeth sydd ar gael?

• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).
• Byddwn yn cysylltu â mynychwyr ymlaen llaw a bydd cyfle iddynt i ofyn cwestiynau 

Edrychwch ar ein canllawiau i gael mwy o wybodaeth am hyn. 

Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth helpu ag Ymchwil.

Cwblhewch y ffurflen isod