Gweminar Cyfadran – Datblygu a defnyddio’r offeryn ICECAP gyda'r Athro Joanna Coast ac Isabella Floredin

Bydd y weminar hon yn canolbwyntio ar ddatblygu mesurau gallu ar gyfer gwneud penderfyniadau iechyd a gofal. Mae mesurau ICECAP yn canolbwyntio ar gwrs bywyd, ac mae mesurau ar gael ar hyn o bryd i oedolion, pobl hŷn ac oedolion ar ddiwedd oes. Mae mesurau newydd ar gyfer plant a phobl ifanc, a phobl ifanc ar ddiwedd oes yn cael eu datblygu.

Bydd y sesiwn hon yn dechrau trwy siarad am ystyr gallu. Yna bydd yn canolbwyntio ar y broses o ddatblygu priodweddau ar gyfer y mesurau gan ddefnyddio dulliau ansoddol, bydd yn defnyddio'r gwaith newydd ar y mesur ar gyfer pobl ifanc ar ddiwedd oes fel enghraifft. Yna bydd yn archwilio datblygiad setiau gwerthoedd ar gyfer mesurau, materion sy'n ymwneud â dilysrwydd, a'r defnydd o'r mesurau ar gyfer gwneud penderfyniadau. 

Yr Athro Joanna Coast

Mae'r Athro Joanna Coast wedi bod yn economegydd iechyd academaidd ers dros 30 mlynedd. Ar hyn o bryd mae'n Athro Economeg Iechyd a Gofal ym Mhrifysgol Bryste, a chyn hynny roedd ganddi rôl broffeswrol ym Mhrifysgol Birmingham. Mae hi'n Uwch Olygydd i Health Economics for Social Science and Medicine, ac yn gyfarwyddwr anweithredol system gofal integredig One Gloucestershire. Mae ymchwil allweddol Jo yn canolbwyntio ar broblemau dyrannu adnoddau yn narpariaeth y gwasanaeth iechyd, sy'n cynnwys pennu blaenoriaeth, gwerthuso ymyriadau gwasanaeth a gofal diwedd oes. Mae ganddi arbenigedd penodol mewn mesur canlyniadau gallu ar gyfer iechyd, lles a gofal yn seiliedig ar brofiadau byw pobl, yn ogystal â diddordeb methodolegol yn y defnydd o ddulliau ansoddol mewn economeg iechyd. Mae Jo wedi cyhoeddi'n helaeth ar draws y meysydd ymchwil hyn ac wedi derbyn grantiau mawr gan y Cyngor Ymchwil Feddygol, y Cyngor Ymchwil Ewropeaidd a Wellcome. 

Isabella Floredin

Cwblhaodd Isabella Floredin ei PhD mewn Economeg Iechyd ym Mhrifysgol Bryste. Roedd ei thraethawd ymchwil yn canolbwyntio ar asesu canlyniadau gallu i bobl ifanc a'r rhai sy'n agos atynt i'w defnyddio mewn gwerthusiad economaidd o ymyriadau ar ddiwedd oes. Ymunodd â thîm Economeg Iechyd Bryste (HEB) ym Mhrifysgol Bryste fel uwch gydymaith ymchwil ym mis Ebrill 2023 ac ar hyn o bryd mae'n gweithio ar elfennau o ddwy astudiaeth. Mae'r astudiaeth gyntaf, a ariennir gan Wellcome, yn cynnwys gwaith dilysu ar gyfer mesurau lles gallu ICECAP i blant a phobl ifanc. Mae'r ail astudiaeth yn cynnwys gwaith i archwilio effaith ymyriadau sy'n gysylltiedig â phandemig COVID-19 ar alluoedd plant a phobl ifanc a'r ffactorau sy'n gysylltiedig â newidiadau yn eu llesiant gallu yn ystod y cyfnod clo cyntaf. 

Cyflwynwch eich cwestiynau i Joanna ac Isabella eu hateb yn ystod y weminar.