Digwyddiadau Rheithgor Dinasyddion Prosiect BLAENORIAETH

Sylwch, oherwydd amgylchiadau y tu hwnt i'n rheolaeth ni mae'r digwyddiadau Rheithgor Dinasyddion wedi'u canslo.

Bydd y digwyddiadau hyn yn cael eu disodli gan ddigwyddiadau ar-lein ym mis Ionawr 2025 a bydd dyddiadau'n dilyn yn fuan.

Mae Prosiect BLAENORIAETH Ymchwil Gofal Iechyd Cymru  wedi’i gomisiynu gan Brif Swyddog Nyrsio Cymru, Prif Gynghorydd Proffesiynau Perthynol i Iechyd a Chyfarwyddwr Ymchwil Iechyd a Gofal Cymru, yn datblygu cynllun gweithredu i gynyddu capasiti a gallu o ran cyflawni a defnyddio ymchwil ym mhroffesiynau nyrsio, bydwreigiaeth ac 13 o broffesiynau perthynol i iechyd.

Mae cynhyrchu ar y cyd wedi bod yn amcan allweddol wrth gyflawni’r prosiect a bydd cam olaf prosiect BLAENORIAETH yn dilyn dull gweithredu Rheithgor Dinasyddion ar gyfer cyfres o weithdai ym mis Tachwedd a fydd yn llywio cyfres derfynol o gamau gweithredu a argymhellir. Rydym yn gwahodd nyrsys, bydwragedd a gweithwyr proffesiynol perthynol i iechyd yng Nghymru i fyfyrio ar ganfyddiadau’r prosiect ac i ystyried ac argymell camau i’w cynnwys yn y cynllun.

Bydd dull gweithredu’r Rheithgor Dinasyddion yn:

• rhoi trosolwg i chi ar ganfyddiadau’r prosiect hyd yn hyn
• eich galluogi chi i glywed, neu adnewyddu, tystiolaeth benodol ynghylch profiadau myfyrwyr, gweithwyr cymorth a nyrsys cofrestredig, bydwragedd a gweithwyr proffesiynol perthynol i iechyd ledled Cymru o ran rhwystrau a heriau a llwyddiannau ym maes ymchwil
• eich galluogi chi i ystyried argymhellion a chamau gweithredu yng ngoleuni’r canfyddiadau hyn a’r dystiolaeth hon
• ein helpu ni i flaenoriaethu’r camau hynny i’w cynnwys yng nghynllun gweithredu’r Prosiect BLAENORIAETH

Yn ystod y sesiwn hon gallwch wrando ar farn pobl eraill a’i herio er mwyn helpu i lunio cynllun gweithredu ymchwil yng Nghymru. Mae llawer o ddatrysiadau eisoes wedi’u nodi, ond bydd angen i’n cymuned gytuno ar ba rai yw’r flaenoriaeth i’r proffesiynau a pha rai sy’n ystyrlon i chi yn eich ymarfer.

Sicrhewch fod eich llais yn cael ei glywed

Byddwn yn ystyried tystiolaeth a chamau gweithredu sy’n ofynnol o amgylch sawl thema drwy drafod rhestr o ddatganiadau. Dysgwch fwy am y themâu a’r datganiadau trwy ddilyn y ddolen neu’r cod QR isod.

Os hoffech siarad ar thema benodol, rhowch wybod i ni ymlaen llaw ar:

atwala@lsbu.ac.uk neu jayne.goodwin@wales.nhs.uk

Lleoliadau’r Digwyddiad:

• 16 Ionawr 2025 - 13:00 - 15:00

• 23 Ionawr 2025 - 12:00 - 14:00

• 28 Ionawr 2025 - 09.30-11.30