Helpu i lunio diwylliant ymchwil yn y GIG

Cymerwch ran yn y gweithdy hwn sy’n cael ei redeg gan Ymchwil Iechyd a Gofal Cymru a chael dweud eich dweud ar sut y gellir ymgorffori ymchwil hanfodol yn sefydliadau’r GIG i ddatblygu diwylliant ymchwil cryf o fewn y GIG yng Nghymru.

Byddem wrth ein bodd clywed gan aelodau o’r cyhoedd sy’n angerddol am ymchwil ac sydd eisiau rhannu eu barn ar:

• Sut y gallwn gael mwy o aelodau o'r cyhoedd i helpu gydag ymchwil
• Beth rydych chi'n ei ddisgwyl o ymchwil y GIG
• Sut y gallwn fesur llwyddiant y gwaith hwn

Pam ydym ni'n gwneud y gwaith hwn?

Mae’r GIG yng Nghymru yn cefnogi ystod eang o ymchwil sy’n rhoi mynediad i fwy o gleifion at driniaethau newydd a gwell canlyniadau iechyd. Er mwyn helpu i ddatblygu diwylliant ymchwil cryfach, mae Llywodraeth Cymru yn gweithio i amlinellu rôl GIG Cymru mewn perthynas ag ymchwil drwy ddatblygu dogfen o'r enw Fframwaith Ymchwil a Datblygu. Bydd y gwaith hwn yn cael ei ddefnyddio gan y GIG yng Nghymru i helpu i wreiddio ymchwil i wasanaethau gofal iechyd craidd a llywio sut y caiff llwyddiant ei fesur yn y dyfodol.

Disgwylir i’r Fframwaith gael ei lansio gan Lywodraeth Cymru ym mis Mawrth 2023 a bydd yn dechrau cael ei ddefnyddio gan sefydliadau’r GIG yng Nghymru ym mis Hydref 2023.

I archebu eich lle yn y gweithdy, anfonwch e-bost at yr ymgyrchoedd, y tîm ymgysylltu a'r tîm ymwneud gan esbonio pam eich bod eisiau mynychu.

Rydym yn cynnig £25.00 yr awr i fynychwyr y digwyddiad hwn. I dderbyn y taliad hwn bydd angen i chi fod yn aelod o'n Cymuned Ymwneud â'r Cyhoedd, cofrestrwch ar ein tudalennau cyhoeddus.