Arfer Ymchwil Da (GCP ar gyfer astudiaethau nad ydynt yn ymwneud â chyffuriau)

Hyfforddwr y cwrs: Ymchwil Iechyd a Gofal Cymru 

Hyd y Cwrs: Hanner diwrnod

Amlinelliad o’r Cwrs:

Nod y cwrs hwn yw rhoi dealltwriaeth i gynrychiolwyr o bob agwedd ar arferion ymchwil da a gofynion deddfwriaethol mewn ymchwil iechyd a gofal cymdeithasol ar gyfer astudiaethau nad ydynt yn ymwneud â chyffuriau.

Manylion y cwrs:

Mae'r cwrs hwn wedi'i gynllunio'n benodol ar gyfer astudiaethau nad ydynt yn ymwneud â chyffuriau yn unig (nad ydynt yn dreialon clinigol o gynhyrchion meddyginiaethol ymchwiliadol, CTIMPs) ac mae'n cynnwys yr holl ymchwil a gynhelir mewn lleoliadau iechyd a gofal cymdeithasol yng Nghymru. Mae'r cwrs wedi'i lunio o amgylch gweithgareddau grŵp ymarferol a senarios seiliedig ar waith, gan ddefnyddio enghreifftiau bywyd go iawn i wneud y cynnwys yn berthnasol. Bydd yn cynnwys edrych ar bolisïau a gofynion deddfwriaeth ar gyfer cynnal ymchwil gyda bodau dynol.

Bydd y cwrs hanner diwrnod hwn yn disgrifio'r holl ofynion gan gynnwys: 

• Safonau a deddfwriaeth ymchwil
• Timau dirprwyo ac astudio
• Cymhwysedd a chydsyniad ar sail penderfyniad cytbwys dilys
• Rheoli cofnodion a data astudiaethau
• Diogelwch a llesiant cyfranogwyr
• Cau’r astudiaeth

Bydd fformat y cwrs yn cynnwys cyflwyniadau, sesiynau rhyngweithiol a thrafodaethau.

Mae'r hyfforddiant Arfer Ymchwil Da Cymru gyfan yn opsiwn hyfforddiant amgen, cymesur i'r staff hynny sy'n gweithio ar astudiaethau nad ydynt yn ymwneud â chyffuriau ac nad oes angen GCP llawn, fel y nodir yn natganiad ar y cyd Awdurdod Ymchwil Iechyd (HRA)/Asiantaeth Rheoleiddio Meddyginiaethau a Chynhyrchion Gofal Iechyd (MHRA). Gwiriwch ofynion eich noddwr a hyfforddiant lleol ar gyfer eich astudiaeth bob amser.

Ar ôl yr hyfforddiant, bydd cyfranogwyr yn:

• Deall beth yw llywodraethu ymchwil a'r rheoliadau sy'n berthnasol i'w hymchwil
• Deall rolau a chyfrifoldebau unigolion a sefydliadau mewn ymchwil
• Deall proses, rolau a chyfrifoldebau derbyn cydsyniad ar sail penderfyniad cytbwys
• Dangos cywirdeb wrth fewnbynnu data a chau astudiaethau
• Trafod ystyriaethau a gofynion diogelwch cyfranogwyr cywir

Ardystiad CPD:

Mae’r hyfforddiant hwn wedi ei ardystio gan y Gwasanaeth Ardystio CPD.

3 awr/ppwyntiau CPD