Beth am helpu i wella sut mae pobl ifanc, eu teuluoedd a gweithwyr gofal iechyd proffesiynol yn cyfathrebu am iechyd y mislif?

A oes gennych chi brofiad (neu eich bod yn cefnogi aelod o'r teulu sydd â phrofiad) o fislif trwm/afreolaidd, poen mislif difrifol, endometriosis, a Syndrom Ofarïau Polysystig (PCOS)?

Mae ymchwilwyr ym Mhrifysgol Caerdydd yn creu ffordd newydd o helpu pobl ifanc, eu teuluoedd a'u gweithwyr gofal iechyd proffesiynol i siarad yn fwy agored am iechyd mislif. 

Y nod yw sicrhau bod pobl ifanc yn yr ysgol uwchradd yn gallu cael y cymorth a'r gefnogaeth gywir ar gyfer cyflyrau fel:

• Mislif trwm neu afreolaidd
• Poen mislif difrifol
• Endometriosis
• Syndrom Ofarïau Polysystig (PCOS)

Pa brofiad sydd ei angen arnaf i helpu?

• Profiad bywyd o broblemau iechyd mislif fel person ifanc (megis mislif trwm neu afreolaidd, poen mislif difrifol, endometriosis, PCOS) (hoffem glywed gan bobl ifanc 16 oed neu'n hŷn sydd â phrofiad o broblemau iechyd mislif yn ogystal ag oedolion sydd wedi cefnogi rhywun).
• Profiad o gefnogi rhywun (aelod o'r teulu, ffrind, neu berson ifanc) â’r problemau hyn
• Parodrwydd i roi adborth ar ddogfennau neu gynlluniau’r prosiect
• Yn gallu cyfathrebu ag ymchwilwyr trwy e-bost, ar y ffôn, ac mewn cyfarfodydd

Beth fydd gofyn i mi ei wneud?

• Bydd gofyn i chi:
• Ymuno â chyfarfodydd bob tri mis gyda'r tîm ymchwil
• Rhannu eich barn, syniadau a phrofiadau am iechyd mislif
• Darllen a rhoi sylwadau ar ddogfennau neu ddeunyddiau drafft
• Helpu i benderfynu sut mae'r prosiect yn cael ei gynllunio a'i gyflawni
• Cynghori ar wneud deunyddiau'n glir ac yn hygyrch
• Cynrychioli barn pobl ifanc a/neu rieni
• Cadw gwybodaeth am y prosiect yn gyfrinachol

Pa mor hir fydd fy angen i?

• Cyfarfodydd bob tri mis (tua dwy awr yr un)
• Awr neu ddwy awr o ddarllen/paratoi cyn pob cyfarfod
• Yn achlysurol, adborth drwy e-bost rhwng cyfarfodydd
• Y disgwyl yw i'r prosiect redeg am ddwy flynedd, gan ddechrau ym mis Ebrill 2026 (os caiff ei ariannu).

Beth yw rhai o'r manteision i mi?

Manteision i chi :

• Cyfle i lunio ymchwil mewn maes sy’n bwysig i chi
• Cyfle i rannu’ch profiad bywyd i helpu eraill
• Dysgwch fwy am sut mae ymchwil yn cael ei gynllunio a'i gynnal
• Datblygu sgiliau mewn cyfathrebu, gwaith tîm, a gwneud penderfyniadau
• Gweithio ochr yn ochr ag ymchwilwyr a chyfranwyr cyhoeddus eraill
• Bod yn rhan o wella cefnogaeth i bobl ifanc sydd â phroblem iechyd y mislif

Pa gefnogaeth sydd ar gael?

• Talu costau teithio rhesymol a chostau gofalwr neu ofal plant ychwanegol,
• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).
• Darllenwch ein canllawiau i gael mwy o wybodaeth am hyn.
• Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth helpu ag Ymchwil.

Llenwch y ffurflen isod