Cyfraniad y Cyhoedd mewn Pecyn Cymorth Effaith Ymchwil (PIRIT)

Mae cynnwys y cyhoedd yn llywio ymchwil yn gadarnhaol. Trwy rannu eu hamser a'u profiadau personol gydag ymchwilwyr, gall aelodau'r cyhoedd ddylanwadu ar ba ymchwil sy'n digwydd, sut mae'n cael ei chynnal, a sut mae'r canlyniadau'n cael eu rhannu.

Mae PIRIT, pecyn cymorth newydd dan arweiniad Alisha Newman a'i gyd-ddatblygu gan gyfranwyr cyhoeddus ac aelodau staff i'w defnyddio yng Nghanolfan Ymchwil Marie Curie a Chanolfan Ymchwil Canser Cymru, yn gyfres o declynnau pragmatig sy'n ceisio cefnogi ymchwilwyr sy'n gweithio gyda chyfranwyr cyhoeddus at:

• cynllunio ac integreiddio cyfranogiad y cyhoedd mewn ymchwil
• olrhain cyfraniadau cyhoeddus a'r gwahaniaeth maen nhw'n ei wneud i'r ymchwil
• adrodd effaith yn erbyn Safonau'r DU ar gyfer Ymwneud â'r Cyhoedd.

Mae'r pecyn cymorth yn cynnwys:

• Offeryn Cynllunio PIRIT - rhestr wirio o weithgareddau cysylltiedig â chyfranogiad cyhoeddus posibl
• Yr Offeryn Olrhain PIRIT - taenlen i gofnodi pryd a sut y cyfrannodd y cyhoedd, yr hyn yr oeddent yn gobeithio dylanwadu arno, beth newidiodd, pam mae'n bwysig, a'r safonau cysylltiedig.

Gellir defnyddio'r offer hyn ar wahân neu gyda’i gilydd, ac ar y cyd â fframweithiau asesu eraill a gyhoeddwyd ym maes cynnwys y cyhoedd yn ogystal ag offer adrodd eraill.

Dywedodd Alisha Newman, Rheolwr Tîm Canolfan Ymchwil Gofal Lliniarol Marie Curie:

Rydym yn sicrhau bod yr adnodd hwn ar gael yn rhydd i helpu eraill i gynllunio cyfranogiad cyhoeddus ystyrlon, olrhain a dangos y gwahaniaeth y mae'n ei wneud"

Gallwch lawrlwytho pecyn cymorth PIRIT a dechrau ei ddefnyddio heddiw, yn rhad ac am ddim.