Cysylltiad rhwng colli clyw a dementia

Nid yw’n gyfrinach, wrth i ni heneiddio, y gall ein gallu i gyflawni gweithgareddau beunyddiol leihau. Gall newid mewn clyw fod yn ffactor cyfrannol. Mae arbenigwyr yn dangos y gall fod cysylltiad rhwng colli clyw a dementia.

Y Ganolfan Ymchwil Heneiddio a Dementia (CADR) bwriad yw codi ymwybyddiaeth ymhlith y rhai a allai fod yn profi colled clyw ac rydym yn eich cynghori i gysylltu â’ch practis meddyg teulu i drefnu apwyntiad gydag awdiolegydd y GIG ar gyfer asesiad clyw.

Meddai Cyfarwyddwr CADR, Dr Andrea Tales:

Mae’r animeiddiad a gynhyrchwyd ar y cyd hwn wedi’i seilio ar dystiolaeth ymchwil ac wedi’i gynllunio i godi ymwybyddiaeth o bwysigrwydd mynd i’r afael â cholled clyw gan alluogi pobl i wneud dewisiadau cadarnhaol. Mae codi ymwybyddiaeth yn galluogi pobl i siarad yn fwy rhydd am y materion ac i hysbysu pobl ei bod yn iawn cysylltu â’u meddyg teulu a’u awdiolegydd i siarad amdanyn nhw.”

Os byddwch chi’n sylwi ar unrhyw golled clyw, mae’n bwysig eich bod chi’n cael prawf clyw a chlustiau cyn gynted â phosibl, neu os oes gennych chi gymhorthion clyw yn barod, sicrhewch eu bod nhw’n gweithio ac yn cael eu defnyddio’n rheolaidd

Meddai Kieran Walshe, Cyfarwyddwr, Ymchwil Iechyd a Gofal Cymru:

Heb ymchwil, ni fyddem yn gwybod pa mor gryf yw’r cysylltiad rhwng colli clyw a dementia. Mae ymchwil yn darparu cyfleoedd hanfodol i ystyried iechyd a llesiant yn gyffredinol a gwneud cysylltiadau rhwng materion sy’n ymddangos yn wahanol, gan arwain at ddealltwriaeth ddyfnach a gwell canlyniadau.”