Dywedwch wrthym beth yw eich barn am ymchwil canser y gwaed

Mae Grwpiau Oncoleg a Lymffoma Haematolegol y Sefydliad Ymchwil Canser Cenedlaethol (NCRI) wrthi’n gwerthuso eu blaenoriaethau ymchwil ac yn pennu eu strategaethau i fynd i'r afael â'r anghenion mwyaf dybryd mewn ymchwil canser y gwaed.

Maent yn awyddus i sicrhau bod y gymuned ymchwil canser gwaed ehangach yn cael mewnbwn i flaenoriaethau strategol pob grŵp.

Mae’r grwpiau’n lansio arolwg canserau gwaed er mwyn helpu i nodi eu blaenoriaethau a themâu trawsbynciol. Mae’r arolwg yn gofyn am gwestiynau ymchwil dybryd a meysydd ar gyfer gwaith ymchwil yn y dyfodol.

Croesewir mewnbynnau ar draws arbenigeddau a chamau gyrfa, gan gynrychiolwyr o elusennau, diwydiant, y rhai yr effeithir arnynt gan ganser yn ogystal ag ymchwilwyr a chlinigwyr.

Dyddiad cau: 4 Mehefin 2023