Effaith COVID-19 ar Gynorthwyo a Rheoli Pobl Hŷn yng Nghymru: Astudiaeth COSMO – cyfle ymchwil

Dyfarnwyd £250,000 i Ganolfan Economeg Iechyd Abertawe, mewn cydweithrediad â'r Ganolfan Ymchwil Heneiddio a Dementia (CADR), a'r Adran Gwleidyddiaeth, Athroniaeth a Chysylltiadau Rhyngwladol, gan Ymchwil Iechyd a Gofal Cymru i ymchwilio i effaith COVID-19 ar bobl dros 65 oed.

Effaith COVID-19 ar bobl dros 65 oed

Ceisiodd y DU liniaru effeithiau'r pandemig drwy gyfyngu ar symudiadau poblogaeth a blaenoriaethu COVID-19 yn y system gofal iechyd. Roedd y mesurau hyn yn hanfodol wrth arafu trosglwyddiad y clefyd, lleihau'r baich ar y GIG a lleihau nifer y marwolaethau sy'n gysylltiedig â'r feirws. Fodd bynnag, bydd effaith tymor hwy yn sgil y tarfu ar iechyd a gofal cymdeithasol arferol ac arwahanrwydd cymdeithasol cynyddol.

Prosiect ymchwil

Yn gyntaf, bydd y prosiect ymchwil hwn yn ceisio nodi pedwar o bum maes blaenoriaeth o sylwadau rhanddeiliaid ac adolygiad o lenyddiaeth i bennu'r bylchau mewn ymchwil. Gallai'r pynciau ystyried effeithiau iechyd ac economaidd amrywiol fel yr effeithiau ar bobl sy'n byw â dementia, iechyd meddwl neu ddiagnosis canser i enwi rhai.

Cymorth gan aelodau ENRICH Cymru

Dywedodd Emma Richards, cydlynydd ENRICH Cymru: “Mae'r tîm yn dymuno edrych ar effaith anfwriadol y cyfyngiadau symud ar iechyd a lles pobl hŷn yng Nghymru.

“Bydd y prosiect ymchwil hwn yn cwmpasu pedwar pecyn gwaith rhyng-gysylltiedig i geisio ateb y cwestiwn pwysig hwn.”

Mae grŵp rhanddeiliaid wedi'i ddatblygu, ond mae cyfleoedd o hyd i reolwyr cartrefi gofal gymryd rhan. Mae ENRICH Cymru yn chwilio am adborth ar y blaenoriaethau a mynediad i'r rhai sydd â phrofiad byw.

I gael rhagor o wybodaeth, gwyliwch y weminar hon neu cysylltwch ag ENRICH Cymru.