Dyfarniadau Amser Ymchwil GIG 2022

Enwau’r rheini sydd wedi derbyn Dyfarniadau Amser Ymchwil GIG 2022 wedi’u cyhoeddi

23 Mawrth

Mae enwau’r rheini sydd wedi llwyddo i dderbyn dyfarniadau Cynllun Ariannu Dyfarniad Amser Ymchwil GIG Ymchwil Iechyd a Gofal Cymru 2022 wedi’u cyhoeddi. 

 Mae’r cynllun hwn, sy’n werth £450,000 i gyd, yn gwneud cyfraniad pwysig at gefnogi gwaith datblygu capasiti a gallu ymchwil yn GIG Cymru trwy ddarparu amser wedi’i ddiogelu, hyfforddiant a datblygiad i ymchwilwyr uchelgeisiol, gan eu cefnogi i fynd ar drywydd eu dyheadau ym maes ymchwil. 

 Bydd deiliaid y dyfarniadau hefyd yn elwa o ddod yn aelodau o Gyfadran Ymchwil Iechyd a Gofal Cymru. Bydd hyn yn golygu y bydd mwy o gefnogaeth ar gael iddyn nhw trwy gydol eu dyfarniadau i ddod yn Ymchwilwyr Arweiniol neu’n Gydymchwilwyr ar gyfer grantiau a enillir trwy gystadleuaeth agored y mae cyfoedion yn ei hadolygu. 

Bydd y cyllid yn cefnogi ymchwil ar draws ystod amrywiol o feysydd, o niwroleg i feddygaeth bediatrig frys. 

Meddai’r Athro Monica Busse, Cyfarwyddwr, Cyfadran Ymchwil Iechyd a Gofal Cymru:

Dyma’r cohort cyntaf i dderbyn dyfarniadau ers creu Cyfadran Ymchwil Iechyd a Gofal Cymru. Trwy fod yn aelodau o’r Gyfadran, byddan nhw’n gallu manteisio ar gefnogaeth cymuned o ymchwilwyr yn ogystal â chyfleoedd dysgu a datblygu a fwriedir i gyflymu eu datblygiad ar hyd eu llwybrau gyrfa ymchwil unigol. 

Rydyn ni’n edrych ymlaen yn fawr at weld eu sgiliau hymchwil ar draws amrywiaeth o feysydd blaenoriaeth yn datblygu a gweld y cyfraniadau positif y gallan nhw eu gwneud at iechyd a gofal cymdeithasol yng Nghymru.”  

Dyma’r rhai sydd wedi derbyn Dyfarniadau Amser Ymchwil GIG 2022: 

  Dr Helen Tench, Nyrs Ymchwil Arweiniol 

  • Maes diddordeb yr ymchwil: Adfer ar ôl strôc ac anhwylderau niwrolegol 

  • Sefydliad: Bwrdd Iechyd Prifysgol Hywel Dda 

  Dr Helen Munro, Ymgynghorydd ym maes Iechyd Rhywiol ac Atgenhedlol 

  • Maes diddordeb yr ymchwil: Profion wrin Feirws Papiloma Dynol (HPV) a haint a drosglwyddir yn rhywiol (STI) a defnyddio testosteron mewn menywod yn yr amser sy’n arwain i fyny i’r menopos a’r amser ar ôl y menopos 

  • Sefydliad: Bwrdd Iechyd Prifysgol Hywel Dda 

  Dr Jordan Evans, Ymgynghorydd ym maes Meddygaeth Bediatrig Frys 

  • Maes diddordeb yr ymchwil: Clefyd heintus pediatrig, adnabod sepsis a haint difrifol mewn lleoliadau gofal brys 

  • Sefydliad: Bwrdd Iechyd Prifysgol Caerdydd a’r Fro  

Dr Krishna Narahari, Llawfeddyg Wrolegol Ymgynghorol 

  • Maes diddordeb yr ymchwil: Canser wrolegol 

  • Sefydliad: Bwrdd Iechyd Prifysgol Caerdydd a’r Fro  

Dr Mark Willis, Niwrolegydd Ymgynghorol 

  • Maes diddordeb yr ymchwil: Niwro-lid a chymhlethdodau niwrolegol imiwnotherapi canser newydd 

  • Sefydliad: Bwrdd Iechyd Prifysgol Caerdydd a’r Fro  

Dr Duncan McLauchlan, Niwrolegydd Ymgynghorol 

  • Maes diddordeb yr ymchwil: Triniaeth ar gyfer anhwylderau seiciatrig mewn clefydau niwroddirywiol, yn benodol clefyd Huntingon 

  • Sefydliad: Bwrdd Iechyd Prifysgol Bae Abertawe