Gall eich llais chi lunio dyfodol cymorth lles plant yng Nghymru

Rhannwch eich profiadau o gymorth lles i blant a phobl ifanc a helpu i lunio adnoddau ar gyfer teuluoedd yn y dyfodol.

Mae ymchwilwyr ym Mhrifysgol Caerdydd eisiau clywed gan rieni plant ysgol gynradd yng Nghymru am ba gymorth sydd wir yn helpu gyda lles plant. Mae'r ymchwil hon yn archwilio sut mae'r amgylchedd emosiynol o fewn teuluoedd yn effeithio ar les plant a sut orau i gefnogi rhieni i hyrwyddo iechyd meddwl cadarnhaol. Drwy weithio gyda rhieni, nod yr astudiaeth yw llunio ymyriadau sy'n ymarferol, yn seiliedig ar dystiolaeth, ac wedi'u cynllunio o amgylch gwir anghenion teuluoedd yng Nghymru.

Pa brofiad sydd ei angen arnaf i helpu?

• Nid oes angen unrhyw brofiad ymchwil
• Bod yn rhiant i blentyn oed ysgol gynradd yng Nghymru
• Yn barod i rannu eich barn a'ch profiadau
• Croesewir pob cefndir a phrofiad – cadarnhaol neu negyddol
• Eich profiad bywyd yw'r arbenigedd y mae ymchwilwyr yn chwilio amdano

Beth fydd gofyn i mi ei wneud?

• Adolygu dogfen fer, iaith blaen (fydd yn cymryd tuag awr) sy'n rhoi enghreifftiau o raglenni cymorth cyfredol i rieni.
• Cymryd rhan mewn sgwrs unigol (am hanner awr, ar-lein neu dros y ffôn) gyda'r ymchwilydd i rannu eich barn yn breifat.
• Ymuno â thrafodaeth grŵp (am oddeutu awr, ar-lein neu yn bersonol, ym Mhrifysgol Caerdydd) gyda rhieni eraill i rannu profiadau a syniadau gyda'ch gilydd.

Pa mor hir fydd fy angen?

Gofynnir i chi gymryd rhan dros gyfanswm o tua dwy awr a hanner. Mae hyn yn cynnwys:

• awr i ddarllen dogfen fer sy’n cael ei hanfon ymlaen llaw
• 30 munud mewn sgwrs unigol gyda'r ymchwilydd
• awr mewn trafodaeth grŵp gyda rhieni eraill

Beth yw rhai o'r buddion i mi?

• Cael dweud eich dweud – bydd eich barn chi yn llunio cefnogaeth i deuluoedd yng Nghymru yn y dyfodol.
• Gwneud gwahaniaeth – helpu i ddylunio adnoddau a gwasanaethau sy'n adlewyrchu bywyd teuluol go iawn.
• Cael eich gwerthfawrogi – mae eich profiadau fel rhiant yn cael eu trin fel arbenigedd hanfodol.
• Dysgu a chysylltu – clywed gan rieni eraill a chyfrannu at ymchwil mewn ffordd hygyrch.
• Cyfleoedd yn y dyfodol – Os yw'r prosiect yn cael ei ariannu, efallai y cewch eich gwahodd i ymuno â Bwrdd Cynghori sy'n llywio'r camau nesaf.

 Pa gefnogaeth sydd ar gael?

• Talu costau teithio rhesymol a chostau gofalwr neu ofal plant ychwanegol,
• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).
• Edrychwch ar ein canllawiau i gael mwy o wybodaeth am hyn.
• Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth Helpu ag Ymchwil.

Cwblhewch y ffurflen isod