Gofal Cymdeithasol Cymru: Enwebwch eich Sêr Gofal

Mae'r chwilio ymlaen am weithwyr gofal yng Nghymru sydd wedi gwneud gwahaniaeth cadarnhaol i fywydau pobl yn yr amgylchiadau anoddaf gyda lansiad Sêr Gofal 2021.

Mae cyflogwyr, cydweithwyr a'r cyhoedd yn cael eu hannog i enwebu gweithwyr o ofal cymdeithasol a gofal plant, chwarae a blynyddoedd cynnar ar draws pedwar categori eang.

Wedi'i drefnu gan Ofal Cymdeithasol Cymru a'i gefnogi gan feirniaid o sefydliadau partner, mae Sêr Gofal yn chwilio am weithwyr gofal sydd wedi gwneud gwahaniaeth gwirioneddol gadarnhaol i fywydau pobl ac wedi helpu unigolion i gyflawni'r hyn sy'n bwysig iddyn nhw hyd yn oed yng nghanol pandemig.

Gallwch enwebu'ch Sêr Gofal o 3 Mehefin tan 5pm ar 23 Mehefin trwy lenwi'r ffurflen enwebu Sêr Gofal. Bydd y beirniadu yn digwydd ar ddechrau mis Gorffennaf.

Y pedwar categori ar gyfer enwebiadau yw:

• Gwasanaethau i oedolion
• Gwasanaethau i bobl hŷn
• Gwasanaethau i blant
• Gofal plant, chwarae a’r blynyddoedd cynnar.