Helpu i ddatblygu cam 2 menter Darganfod Eich Rôl
Yn 2020 cyhoeddodd Ymchwil Iechyd a Gofal Cymru gynllun gweithredu sy'n nodi sut i wella cyfranogiad ac ymgysylltiad y cyhoedd mewn ymchwil iechyd a gofal cymdeithasol yng Nghymru. Crëwyd y cynllun hwn o'r enw Darganfod Eich Rôl mewn Ymchwil Iechyd a Gofal Cymdeithasol mewn cydweithrediad ag aelodau'r cyhoedd, ymchwilwyr a gweinyddwyr ymchwil.
Gan ddod â'r cynllun ar waith, cynhaliwyd gweithdy ym mis Ionawr 2021 i archwilio sefydlu Fforwm Ymgysylltu a Chynnwys y Cyhoedd. Ers hynny mae sawl fforwm wedi eu cynnal gyda'r fforwm olaf yn cael ei gynnal ym mis Mawrth 2024.
Nawr mae angen help y cyhoedd a'r gymuned ymchwil arnom i ddatblygu Darganfod Eich Rôl 2.0. Bydd eich mewnbwn yn dylanwadu'n uniongyrchol ar gyfeiriad cam nesaf Darganfod Eich Rôl a'n harferion cynnwys y cyhoedd.
Er mwyn dechrau'r cam nesaf, rydym wedi bod yn casglu adborth gan ein cymuned ymchwil i ddeall yn well y rhwystrau a'r heriau sy'n eu hwynebu wrth gymryd rhan mewn gweithgareddau cynnwys y cyhoedd. O'r adborth gwerthfawr hwn, rydym wedi nodi nifer o ddatganiadau problemau ac yn awr yn gofyn am eich cymorth i'w blaenoriaethu.
Dyddiad cau: Dydd Gwener 19 Ebrill 2024