Helpu i lunio ymchwil iechyd y galon yng Nghymru

Mae problemau'r galon a'r cylchrediad fel trawiadau ar y galon a strôc yn effeithio ar filoedd o bobl yng Nghymru bob blwyddyn.

Mae ymchwilwyr ym Mhrifysgol Metropolitan Caerdydd yn astudio pam mae'r cyflyrau hyn yn digwydd yn amlach mewn rhai ardaloedd nag eraill, a sut mae ffactorau lleol fel ansawdd aer, mannau gwyrdd, cyfle i fanteisio ar wasanaethau a llesiant cymunedol yn chwarae rôl.

Mae'r ymchwilwyr yn chwilio am aelodau o'r cyhoedd o bob rhan o Gymru i ymuno â phanel ymgysylltu. Nid oes angen unrhyw brofiad arbennig arnoch chi — dim ond diddordeb mewn iechyd y galon, yr amgylchedd neu les cymunedol. Bydd eich barn yn helpu i lywio'r ymchwil a gwneud yn siŵr ei fod yn adlewyrchu'r hyn sy'n bwysicaf i bobl a chymunedau yng Nghymru.

Pa brofiad sydd ei angen arnaf i helpu?

•  Nid oes angen unrhyw brofiad ymchwil blaenorol
• Byddai'r ymchwilwyr yn croesawu pobl o bob rhan o Gymru, o ardaloedd gwledig a threfol
• Anogir pobl sydd â phrofiad bywyd o broblemau gyda’r galon neu gylchrediad, naill eu hunain neu drwy ofalu am rywun, i gymryd rhan
• Byddai diddordeb mewn iechyd, llesiant cymunedol neu'r amgylchedd yn ddefnyddiol
• Hoffai'r ymchwilwyr gynnwys cymysgedd o oedrannau a chefndiroedd fel bod gwahanol safbwyntiau yn cael eu cynrychioli

Beth fydd gofyn i mi ei wneud?

• Ymuno â chyfarfodydd a gweithdai ar-lein
• Rhannu eich barn ar flaenoriaethau’r prosiect
• Edrych ar ddeunyddiau drafft a chrynodebau clir
• Rhoi adborth ar sut y dylid rhannu canlyniadau

Pa mor hir fydd fy angen?

• Mae cymryd rhan yn para o hydref 2025 i wanwyn 2026
• Un cyfarfod ar-lein rhagarweiniol (tuag awr)
• Un gweithdy dilynol (tuag awr)
• Sesiynau adborth un-i-un dewisol (hyd at awr yr un)
• Rhywfaint o amser paratoi cyn cyfarfodydd (tuag awr)
• Mae'r ymrwymiad cyffredinol tua phump i wyth awr dros chwe mis

Beth yw rhai o'r buddion i mi?

• Cyfle i ddylanwadu ar ymchwil genedlaethol ar iechyd y galon yng Nghymru
• Cyfle i rannu eich profiadau a'ch barn
• Dysgu sut mae prosiectau ymchwil yn cael eu cynllunio a'u cynnal
• Ennill sgiliau wrth adolygu a thrafod ymchwil iechyd
• Cwrdd ag ymchwilwyr a chyfranwyr cyhoeddus eraill
• Gweld sut mae eich mewnbwn yn helpu i lunio polisi, atal ac iechyd cymunedol

Pa gefnogaeth sydd ar gael?

• Talu costau teithio rhesymol a chostau gofalwr neu ofal plant ychwanegol,
• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).

Darllenwch ein canllawiau i gael mwy o wybodaeth am hyn.

Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth Helpu ag Ymchwil.

Llenwch y ffurflen isod