Dr Jana Jezkova

Gwobr Cyfadran Ymchwil Iechyd a Gofal Cymru:

Gwobr: Cymrodoriaethau Cydweithrediad Cynyddu Gwaith Ymchwil (RCBC) Cymru

Bywgraffiad

Mae Jana Jezkova yn wyddonydd clinigol yng Ngwasanaeth Genomeg Meddygol Cymru Gyfan (AWMGS). Mae'n gweithio yn y tîm clefydau prin, lle mae'n helpu i wneud diagnosis o gleifion ag anhwylderau genetig. Mae hi wedi'i chofrestru gyda'r Cyngor Proffesiynau Iechyd a Gofal (HCPC) ac mae’n un o ddiplomyddion Coleg Brenhinol y Patholegwyr (RCPath).

Yn ogystal â'i gwaith clinigol, mae Jana hefyd yn ymchwilydd gweithredol. Ei diddordeb ymchwil yw defnyddio technolegau genomig ac offer biowybodeg o'r radd flaenaf i wella gofal cleifion ag anhwylderau genetig. Yn benodol, mae ganddi ddiddordeb yn y defnydd o ddilyniannu genomau cyfan cyflym i alluogi diagnosau cyflymach a manwl gywir ar gyfer plant sy'n ddifrifol wael. Mae hi wedi cyhoeddi sawl papur mewn cyfnodolion a adolygwyd gan gymheiriaid ar y defnydd o dechnolegau genomig mewn ymarfer clinigol.