Hoffech chi ddweud eich dweud ar ba ymchwil sy'n cael ei ariannu?

Gwnewch yn siŵr bod ein hymchwil yn berthnasol i gleifion a'r cyhoedd.

Mae Ymchwil Iechyd a Gofal Cymru yn cynnal sawl cynllun ariannu ac mae angen aelodau o'r cyhoedd i helpu i adolygu ceisiadau i'r cynlluniau hynny i sicrhau bod yr ymchwil yr ydym yn ei ariannu yn berthnasol i gleifion. 

Hoffai ein tîm eich help i asesu ac adolygu ceisiadau ymchwil i'n galwad Cynllun Cronfa Integredig diweddaraf sy'n canolbwyntio ar "Cyfathrebu ym maes iechyd menywod". Nod yr alwad hon yw dod o hyd i ffyrdd gwell o rannu gwybodaeth â menywod am eu hiechyd, helpu gweithwyr gofal iechyd i gyfathrebu'n gliriach a sicrhau bod menywod yn teimlo bod pobl yn gwrando arnynt ac yn eu deall wrth ddefnyddio gwasanaethau iechyd a gofal cymdeithasol.

Pa brofiad sydd ei angen arnaf i helpu?

• profiad personol neu roi gofal yn gysylltiedig ag iechyd menywod, megis menopos, ffrwythlondeb, beichiogrwydd neu gyflyrau iechyd cronig
• profiad o ddefnyddio gwasanaethau iechyd a gofal cymdeithasol yng Nghymru 

Beth fydd gofyn i mi ei wneud?

Bydd gofyn i chi:

• adolygu ceisiadau am gyllid a rhoi eich barn a'ch adborth. Bydd hyn yn helpu i benderfynu pa brosiectau ymchwil fydd yn derbyn cyllid.
• cyfrannu at drafodaethau sy'n digwydd yng nghyfarfodydd y bwrdd.
• adolygu ceisiadau cyn cyfarfod y bwrdd cyllido.
• bod yn gyfarwydd â'r cynlluniau ymgysylltu cyhoeddus ar gyfer pob cais.
• deall anghydraddoldebau iechyd a phwysigrwydd sicrhau bod pob llais yn cael ei glywed mewn ymchwil iechyd a gofal cymdeithasol.
• diddordeb mewn ymchwil a chynnwys y cyhoedd.
• gallu mynychu cyfarfod personol ar 11 Tachwedd 2025.
• rhoi adborth ar eich profiadau o adolygu'r ceisiadau.

Pa mor hir fydd fy angen?

• Bydd angen i chi fynychu cyfarfod cymorth rhithwir am awr i gwrdd â'r tîm sy'n eich cefnogi trwy eich cyfranogiad.
• Gall ceisiadau gymryd rhwng 1-2 ddiwrnod i'w hadolygu yn dibynnu ar faint sy'n cael eu derbyn yn yr alwad ariannu.
• Bydd disgwyl i chi hefyd fynychu cyfarfod personol diwrnod llawn yng Nghaerdydd ar 11 Tachwedd lle bydd y ceisiadau'n cael eu trafod.

Beth yw rhai o'r buddion i mi?

• Dylanwadu'n uniongyrchol ar benderfyniadau cyllido ymchwil.
• Sicrhau bod ymchwil a ariennir yn amlwg o fudd i'r cyhoedd.
• Rhwydweithio ag arbenigwyr gwyddonol ac ymgysylltu â chynrychiolwyr cyhoeddus eraill.

Pa gefnogaeth sydd ar gael?

• Talu costau teithio rhesymol a chostau gofalwr neu ofal plant ychwanegol.
• Bydd taliad am y cyfnod yn cael ei dalu yn dibynnu ar y nifer gyfan o geisiadau a adolygwyd yn y cyfarfod panel/board a'r gyfradd ddyddiol ar gyfer adolygu 1-10 cais yw £275 a felly 11+ ceisiadau yw £350.
• Person penodol i ddarparu cymorth,
• Sesiwn gymorth ar gyfer defnyddio'r adnoddau i sgorio'r ceisiadau ac i'ch briffio am y rôl fel aelod o'r bwrdd. Byddwch yn cael eich ad-dalu £25 ar gyfer y cyfarfod hwn.

Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth Helpu ag Ymchwil.

Sut ydw i'n ymgeisio