Mynychwch gymhorthfa i gael cymorth ar eich cais am gyllid

19 Awst

Mae Cyfadran Ymchwil Iechyd a Gofal Cymru wedi ymrwymo i gefnogi ymchwilwyr iechyd a gofal cymdeithasol o ystod o gefndiroedd proffesiynol, ac ar draws pob  cyfnod gyrfa, sy'n bwriadu gwneud cais am unrhyw wobrau personol.

Er mwyn cefnogi ymgeiswyr yn y broses, bydd y Gyfadran yn cynnal cymorthfeydd galw heibio cyffredinol i ddelio ag ymholiadau am yr holl ddyfarniadau personol - p'un a ydych yn penderfynu a ydych yn gymwys i wneud cais, archwilio pa wobr allai fod y gorau, neu'n chwilio am eglurder ar gymhwysedd a gofynion. Bydd y rhain yn sesiynau misol ar-lein am awr, heb yr angen i archebu o flaen llaw ar:

Bydd Ymgynghorwyr Datblygu Ymchwilwyr y Gyfadran yn cynnal y cymorthfeydd a byddant yn gwneud eu gorau glas i ateb eich cwestiynau yno, ac os na allent, byddant yn trefnu i gysylltu â chi ar ôl y sesiynau.

Dywedodd Dr Claire O'Neill, Ymgynghorydd Datblygu Ymchwilwyr Cyfadran Ymchwil Iechyd a Gofal Cymru:

"Mae'r sesiynau hyn yn gyfle gwych i archwilio'ch opsiynau a deall yn well beth sy'n gysylltiedig â gwneud cais am wobr bersonol.

"Mae fy nghefndir yn cynnwys rhedeg gwasanaeth dylunio ymchwil yng Nghymru am 10+ mlynedd yn ogystal â bod yn ymchwilydd mewn treialon clinigol sy'n ymwneud â'r GIG. Yn y cymorthfeydd hyn gallaf eich helpu i feddwl trwy gynllunio eich gwobr, gan nodi cwestiynau ymchwil ac anghenion adnoddau a hyfforddiant a chyfleoedd mentora a chymorth."

Ychwanegodd Dr Martin Elliott, Ymgynghorydd Datblygu Ymchwilwyr Cyfadran Ymchwil Iechyd a Gofal Cymru:

"Rydym yn deall yr heriau y mae ymchwilwyr yn eu hwynebu ac rydyn ni yma i'ch helpu chi i lywio'r broses.

"Fel ymchwilydd gofal cymdeithasol, rwy'n deall rhai o'r heriau a'r cyfleoedd penodol yn y maes. Os ydych yn gweithio mewn gofal cymdeithasol neu ochr yn ochr ag ef, byddwn yn hapus i ateb rhai o'ch cwestiynau."

Y gwobrau nesaf sy'n agor yn fuan fydd y Cynllun Ymchwilwyr Hyrwyddo, a fydd â chymorthfeydd gwobrwyo penodol, lle gallwch ofyn unrhyw gwestiynau am y cynllun.

Cofrestrwch ar gyfer bwletin Ymchwil Iechyd a Gofal Cymru i wneud yn siŵr eich bod ymysg y cyntaf i glywed am y galwadau ariannu, y newyddion a'r hyfforddiant diweddaraf.