Cwrs Adolygu Systematig Nottingham

Nod Cwrs Adolygu Systematig Nottingham yw galluogi’r cyfranogion i ddod yn fedrus mewn datblygu ac ymgymryd ag adolygiad systematig o ymyriadau ar arddull Cochrane. Gan mai cwrs rhagarweiniol yw hwn, nid oes angen bod â gwybodaeth flaenorol o adolygu systematig.

Mae’r cwrs yn defnyddio cyfuniad o ddarlithoedd, dosbarthiadau tiwtorial rhyngweithiol seiliedig ar lyfrgell, gyda gwaith ymarferol wrth orsafoedd cyfrifiadurol yn defnyddio meddalwedd RevMan ac Endnote. Review Manager (RevMan) yw’r feddalwedd a ddefnyddir i baratoi a chynnal Adolygiadau Cochrane.

Beth sy’n ei wneud yn wahanol?

Cwrs ymarferol yw hwn, gyda ffocws mawr ar ddysgu ymarferol ac sy’n seiliedig ar gyfrifiadur, a gyflenwir trwy arddangosiadau, ymarferion ymarferol tywysedig a dosbarthiadau tiwtorial wedi’u hwyluso. Darperir holl ddeunyddiau’r cwrs mewn fformat electronig

Mae tiwtoriaid a hwyluswyr profiadol, sy’n arbenigo yn eu meysydd eu hunain, wrth law i roi cyngor ymarferol ac unigol ar ymgymryd ag adolygiadau systematig sy’n ddigon da i’w cyhoeddi. Mae yna gyfle i rwydweithio.

Nid oes angen bod â gwybodaeth flaenorol ond, er mwyn sicrhau eich bod yn dysgu cymaint â phosibl, gofynnwn ichi fod wedi ystyried pwnc (PICO) eich adolygiad eich hun cyn y cwrs, gan fod yna gyfle i drafod a datblygu cydrannau eich protocol eich hun.

Beth fyddwch chi’n ei ddysgu

Nodi ac Egluro Cwestiynau eich Adolygiad

Deall a Datblygu Strategaethau Chwilio 

Rheoli Canlyniadau Chwiliadau Systematig

Tynnu Data ac Asesu Risg Rhagfarn Astudiaethau a Gynhwysir

Deall a chynnal Gwaith Cyfuno Data a Dynnir, Rhoi’r Fethodoleg ar Waith

Cynnal Adolygiadau yn Annibynnol.

Siaradwyr:

Athro Cyswllt Clinigol Alexia Karantana, Athro Cyswllt Clinigol mewn Llawdriniaeth y Llaw, Cyfadran Meddygaeth a Gwyddorau Iechyd, Prifysgol Nottingham.

Ms Judy Wright, Uwch Arbenigwr Gwybodaeth, Cyfadran Meddygaeth ac Iechyd, Sefydliad Gwyddorau Iechyd Leeds, Prifysgol Leeds.

Yr Athro Sarah Lewington, Cyfarwyddwr Gwyddonol- MSc mewn Gwyddor Iechyd Byd-eang, Prifysgol Rhydychen.

Ms Jun Xia, Cyd-Gyfarwyddwr Canolfan GRADE Nottingham-Ningbo, Prifysgol Nottingham-Ningbo.

Dr Douglas Grindlay, Arbenigwr Gwybodaeth, Cyfadran Meddygaeth a Gwyddorau Iechyd, Prifysgol Nottingham, Nottingham, y DU.

O ystyried sefyllfa barhaus COVID19, mae’r Brifysgol yn gofyn i fynychwyr ddarparu eu gliniadur eu hunain.  Gallwn eich sicrhau bod yr holl ragofalon angenrheidiol yn cael eu cymryd ac y bydd protocolau diogelwch swyddogol ynglŷn â chadw pellter cymdeithasol ac ati’n cael eu dilyn. Sylwch, os bydd yn rhaid canslo’r cwrs oherwydd COVID-19, rhoddir opsiwn i gael ad-daliad llawn neu neilltuo lle mewn cwrs wedi’i aildrefnu.