Canolfan Feddygol Clarence yn cael ei anrhydeddu fel safle recriwtio gorau mewn astudiaeth glinigol ledled y DU

Mae Canolfan Feddygol Clarence yn Y Rhyl, sy'n gwasanaethu fel safle hyb Cymru ar gyfer astudiaeth glinigol PANORAMIC ledled y DU, wedi'i henwi'n recriwtiwr hyb gorau yn 2023.

Mae’r treial PANORAMIC, dan arweiniad Prifysgol Rhydychen ac a ddarperir yng Nghymru gan Iechyd Cyhoeddus Cymru, Ymchwil Iechyd a Gofal Cymru a Phrifysgol Caerdydd, yn edrych ar driniaethau gwrthfeirysol newydd ar gyfer COVID-19 gyda'r nod o leihau'r angen am fynediad i'r ysbyty.

Mae bron i 1,800 o gyfranogwyr o Gymru wedi cael eu recriwtio i'r astudiaeth ers lansio'r treial.

Dywedodd Dr Selena Harris o Ganolfan Feddygol Clarence:  "Rydym yn falch o fod wedi bod yn un o’r recriwtwyr gorau mewn llawer o'r astudiaethau ymchwil yr ydym wedi cymryd rhan ynddynt, gan roi'r Rhyl ar y map ar gyfer ymchwil mewn gofal sylfaenol.   

"Heb ein hymdrechion ni fyddai Cymru wedi cael ei chynnwys yn y treial hwn ledled y DU - rydym wedi rhoi cyfle cyfartal i'n cleifion yng Nghymru fel sydd yng ngweddill y DU."

Ar hyn o bryd mae'r treial PANORAMIC yn recriwtio cyfranogwyr o bob rhan o Gymru - am fwy o wybodaeth ac i ddarllen yr erthyglau dathlu ar PANORAMIC, ewch i’r wefan.