Oes gennych chi ddiddordeb mewn ymchwil gwella iechyd y cyhoedd?

Darparu cyngor, arweiniad ac adborth adeiladol ar waith canolfan ymchwil iechyd y cyhoedd sefydledig yng Nghymru.

Mae DECIPHer yn ganolfan ymchwil gwella iechyd y cyhoedd ym Mhrifysgol Caerdydd, a sefydlwyd yn 2010. Mae'n canolbwyntio ar ddatblygu, gwerthuso a gweithredu ymyriadau i wella iechyd a lleihau anghydraddoldebau yng Nghymru a thu hwnt. 

Fel rhan o gymuned Ymchwil Iechyd a Gofal Cymru, mae DECIPHer wedi sicrhau cyllid ar gyfer y pum mlynedd nesaf (2025-2030) yn ddiweddar ac mae'n awyddus i recriwtio un i ddau aelod o’r cyhoedd i helpu i fonitro ei strategaeth ymchwil a'i gynnydd yn ystod y cyfnod hwn

Pa brofiad sydd ei angen arnaf i helpu?

• Dealltwriaeth dda o ymchwil iechyd y cyhoedd
• Bod â diddordeb mewn gwella iechyd, a lleihau anghydraddoldebau iechyd, i bobl yng Nghymru a thu hwnt
• Yn gyfforddus â rhannu cyngor, arweiniad ac adborth beirniadol ar gynnydd canolfan ymchwil gwella iechyd cyhoeddus sefydledig yng Nghymru. 

Beth fydd gofyn i mi ei wneud?

• Ymuno â Bwrdd Cynghori Allanol i ddarparu cyngor, arweiniad ac adborth beirniadol ar ymchwil a chynnydd DECIPHer
• Helpu i fonitro amcanion y Ganolfan a'i strategaeth ymgysylltu â'r cyhoedd
• Cysylltu â chi o bryd i'w gilydd am gyngor arbenigol rhwng cyfarfodydd.

Pa mor hir fydd fy angen?

Gofynnir i chi fynychu cyfarfodydd blynyddol sy'n para rhwng awr a hanner a thair awr. Yn ogystal â hyn, bydd angen i chi neilltuo awr neu ddwy ar gyfer paratoi a darllen cyn pob cyfarfod. Bydd angen ymrwymiad rhwng 2025 a 2030, gyda chyfathrebu parhaus rhwng cyfarfodydd am unrhyw gyngor arbenigol a allai fod ei angen.

Beth yw rhai o'r buddion i mi?

• Llunio ymchwil iechyd y cyhoedd sydd â’r nod o wella bywydau a lleihau anghydraddoldebau.
• Cael dealltwriaeth o sut mae prosiectau ymchwil yn cael eu datblygu a'u gweithredu.
• Datblygu sgiliau trosglwyddadwy fel meddwl beirniadol a chyfathrebu.

Pa gefnogaeth sydd ar gael?

Bydd DECIPHer yn:

• Talu costau teithio rhesymol a chostau gofalwr neu ofal plant ychwanegol.
• Cynnig taliad am amser o hyd at £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).
• Derbyn cefnogaeth a hyfforddiant gan arbenigwyr trwy gydol eich cyfranogiad. Dr Hayley Reed fydd eich prif bwynt cyswllt. Bydd yn trafod unrhyw anghenion hyfforddi a chefnogaeth a bydd yn rhoi trosolwg o waith y Ganolfan. 

Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth Helpu ag Ymchwil.

Cwblhewch y ffurflen isod