Ydych chi eisiau defnyddio'ch profiad o anhwylder straen ôl-drawmatig (PTSD) i helpu eraill i leihau ei symptomau?

Helpwch ymchwilwyr i ddeall a allai ymdrochi mewn dŵr oer helpu i leihau symptomau anhwylder straen ôl-drawmatig (PTSD).

Mae ymchwilwyr eisiau archwilio a all ymdrochi mewn dŵr oer leihau symptomau PTSD ac a allai ddod yn ddull cefnogol ochr yn ochr â thriniaethau presennol. 

Mae un o bob deg o bobl yn y DU yn profi PTSD, gyda thua 300,000 o achosion newydd yn cael diagnosis bob blwyddyn. Er mai therapïau siarad a meddyginiaeth yw'r prif fathau o driniaeth, bydd yr ymchwil hon yn edrych ar a all ymdrochi mewn dŵr oer fod yn ychwanegiad defnyddiol.

Pa brofiad sydd ei angen arnaf i helpu?

Bydd angen:

• Profiad bywyd o PTSD

Gallai'r canlynol hefyd fod yn ddefnyddiol:

• Parodrwydd i adolygu a darparu adborth ar ddogfennau
• Diddordeb mewn llunio ymchwil a allai fod o gymorth i eraill â PTSD
• Hyder i rannu eich barn mewn lleoliad grŵp

Beth fydd gofyn i mi ei wneud?

Gofynnir i chi adolygu'r cynlluniau ymchwil arfaethedig a chynghori ar y canlynol:

• A yw'r disgwyliadau ar gyfer cyfranogwyr yn hylaw
• Sut y gellid rhannu canfyddiadau'n effeithiol gyda phobl sy'n cael diagnosis o PTSD
• Cymorth i nodi unrhyw feysydd o'r astudiaeth a allai roi cyfranogwyr mewn perygl

Pa mor hir fydd fy angen?

• Byddwch yn cymryd rhan am 18 mis. Bydd naw cyfarfod i gyd gydag un yn cael ei gynnal bob dau fis. Bydd pob cyfarfod yn para tuag awr, gyda’r angen am awr ychwanegol i baratoi trwy ddarllen dogfennau ymlaen llaw.

Beth yw rhai o'r buddion i mi?

• Cyfrannu'n uniongyrchol at ddatblygu astudiaeth ymchwil newydd
• Cael mynediad at ganfyddiadau'r astudiaeth, a allai fod yn berthnasol i'ch profiad eich hun o PTSD
• Chwarae rôl mewn ymchwil a allai fod o fudd i eraill sy'n byw gyda PTSD
• Defnyddio eich profiad personol i lunio ymchwil iechyd a gofal

Pa gefnogaeth sydd ar gael?

• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).
• Bydd yr ymchwilydd arweiniol yn darparu hyfforddiant ac arweiniad parhaus drwy gydol y prosiect

Edrychwch ar ein canllawiau gael mwy o wybodaeth am hyn. 

Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth Helpu ag Ymchwil.

Sut ydw i'n ymgeisio