Hap-dreial rheoledig o raglen hunangymorth Spring PGD (rhaglen ar Anhwylder Galar Hir, dan arweiniad digidol ar gyfer anhwylder galar hir

Cefndir:

Mae anhwylder galar hir yn digwydd pan na all rhywun roi'r gorau i feddwl am anwylyn sydd wedi marw, ac mae'n gwneud iddynt deimlo'n ofidus iawn am o leiaf chwe mis.  Bob blwyddyn yng Nghymru, mae tua 18,250 o bobl newydd yn profi anhwylder galar hirfaith, ond nid oes llawer o driniaethau da ar gael.  Mae'n ymddangos bod un math o Therapi Ymddygiad Gwybyddol sy'n canolbwyntio ar alar yn helpu, ond nid oes digon o therapyddion wedi'u hyfforddi ynddo, ac mae'n cymryd amser hir. Gallai defnyddio App neu wefan ar gyfer therapi, gyda thua thair awr o arweiniad gan weithiwr iechyd proffesiynol, arbed amser ac arian. Gyda chymorth Llywodraeth Cymru, fe wnaethom greu rhaglen therapi dan arweiniad ar gyfer anhwylder galar hir o'r enw Spring PGD, yn seiliedig ar fewnbwn gan bobl sydd wedi ei brofi. Nawr, rydyn ni'n paratoi i'w brofi mewn treial clinigol.

Nod:

Rydym eisiau gwybod a yw Spring PGD yn debygol o helpu pobl ac a ellir ei ddarparu yn y GIG. Rydym hefyd eisiau gwybod a yw'n hawdd ei ddefnyddio, nid yw'n costio gormod, ac os yw'n helpu pobl nad ydynt wedi cael eu hastudio cymaint, fel dynion, oedolion hŷn, a phobl o wahanol gefndiroedd ethnig.  Bydd yr hyn a ddysgwn yn ein helpu i benderfynu a ddylem wneud astudiaeth fwy yn nes ymlaen a sut y gallem fynd ati i wneud hynny.

Cynllunio:

Bydd pobl yn cael eu rhoi ar hap mewn dau grŵp, un yn derbyn Spring PGD ar unwaith, a'r llall ar ôl 11 wythnos. Byddwn yn gofyn cwestiynau i'r cyfranogwyr cyn ac ar ôl triniaeth ac wrth ddilyn i fyny.  Byddwn yn cyfweld â rhai o'r cyfranogwyr a'u therapyddion am eu profiadau o Spring PGD.

Cynnwys y Cyhoedd: 

Crëwyd Spring PGD gyda mewnbwn gan bobl sydd wedi mynd trwy anhwylder galar hir. Bydd ein Swyddog Arweiniol Cynnwys y Cyhoedd, sydd hefyd yn gyd-ymchwilydd, yn arwain Grŵp Cynghori Cyhoeddus.  Bydd y grŵp yn sicrhau ein bod yn ystyried grwpiau heb gynrychiolaeth ddigonol, yn gwneud cyfranogwyr yn gyffyrddus, yn gofyn cwestiynau perthnasol, ac yn dadansoddi data yn ystyrlon.  Bydd y grŵp hwn yn chwarae rhan bwysig wrth wella ein triniaeth a'n helpu i ledaenu'r gair am yr hyn a ddarganfyddwn.

Lledaenu:

O'r cychwyn cyntaf, byddwn yn gweithio gyda'n Grŵp Cynghori Cyhoeddus i sicrhau bod pobl yn gwybod am anhwylder galar hir a'n hastudiaeth.  Byddwn yn defnyddio blogiau, cyfryngau cymdeithasol, taflenni, a mwy.  Byddwn yn gadael i'r Grŵp Cynghori Cyhoeddus benderfynu sut i rannu ein canfyddiadau gyda'r bobl yn ein hastudiaeth a'r cyhoedd.  Gallai hyn gynnwys adroddiadau syml, lluniau, fideos byr a digwyddiadau.  Byddwn hefyd yn ysgrifennu papurau ymchwil, yn mynd i gynadleddau, ac yn gwneud adroddiad ar gyfer llunwyr polisi.