Yr Athro Michael Robling

Mae’r Athro Mike Robling yn Gyfarwyddwr Treialon Iechyd y Boblogaeth yng Nghanolfan Treialon Ymchwil Prifysgol Caerdydd. Mae’n seicolegydd, treialydd a methodolegydd cymysg sy’n arbenigo ym maes datblygu a gwerthuso ymyriadau cymhleth mewn gofal meddygol sylfaenol ac eilaidd, lleoliadau cymunedol a gofal cymdeithasol. Mae wedi arwain rhaglen ymchwil ers 2008 yn gwerthuso rhaglen ymweld â chartrefi arbenigol Partneriaeth Nyrsys Teulu yn Lloegr (Building Blocks, Building Blocks 2-6, BABBLE) a bellach yn yr Alban.

Mae gan yr Athro Robling brofiad sylweddol o arwain gwerthusiadau aml-safle mawr yn llwyddiannus, yn cynnwys newid ymddygiad ac ymyriadau hyfforddi proffesiynol. Yr Athro Robling yw’r Cyfarwyddwr Arweiniol ar gyfer ymchwil yn defnyddio data arferol, ac mae’r Ganolfan bellach wedi ennill enw da’n genedlaethol yn y maes hwn. Mae’r Athro Robling yn arwain neu’n gyd-ymgeisydd ar amryw o astudiaethau sy’n defnyddio data arferol cysylltiedig. Yr Athro Robling yw Arweinydd y Ganolfan ar gyfer Cynnwys ac Ymgysylltu â’r Cyhoedd ac mae hefyd wedi cynnal ymchwil dulliau yn y pwnc.