Cynllun Uwch-arweinwyr Ymchwil

Mae CynllunUwch-arweinwyr Ymchwil (UAY) ar agor ar gyfer ymchwilwyr iechyd a/neu gofal yng Nghymru sydd:

• yn dangos arweiniad, rhagoriaeth ac effaith ym maes ymchwil yng Nghymru, ac yn y DU/yn rhyngwladol
• yn gallu neilltuo 10-15 diwrnod y flwyddyn ar gyfer ymgymryd â’r rôl
• yn meddu ar gefndir o ddatblygu ymchwilwyr a meithrin capasiti a gallu ymchwil yng Nghymru, er enghraifft, drwy ddenu, datblygu a chadw gweithlu ymchwil iechyd hynod fedrus, drwy gefnogi cyfleoedd i gydweithio a datblygu rhaglenni ymchwil newydd
• yn integreiddio cleifion/defnyddwyr gwasanaethau a chyfranogiad y cyhoedd mewn ymchwil
• wedi ymrwymo i gyfrannu at Ymchwil Iechyd a Gofal Cymru fel uwch-arweinydd.

Cylch gwaith

Mae’r Uwch-arweinwyr Ymchwil yn Ymchwil Iechyd a Gofal Cymru ymysg yr ymchwilwyr iechyd a gofal cymdeithasol mwyaf blaenllaw a chlodwiw yn y wlad. Maen nhw’n chwarae rôl hanfodol wrth arwain a datblygu’r gymuned ymchwil iechyd a gofal yng Nghymru. Rydym yn dibynnu arnynt i ddarparu arweiniad, i weithredu fel llysgenhadon ac eiriolwyr dros ymchwil iechyd a gofal, ac i chwarae rôl ganolog i gefnogi’r genhedlaeth nesaf o arweinwyr ymchwil iechyd a gofal yng Nghymru drwy fentora, a thrwy ddarparu cyngor a chymorth i’r gymuned ymchwil. 

I gydnabod y rôl bwysig sydd ganddynt a’u cyfraniad at feithrin a chefnogi’r gymuned ymchwil iechyd a gofal cymdeithasol yng Nghymru, mae Uwch-arweinwyr Ymchwil yn derbyn dyfarniad blynyddol yn ôl disgresiwn o hyd at £20,000 i gefnogi eu gwaith ymchwil.

Fel rhan o ymrwymiad amser Uwch-arweinwyr Ymchwil, byddant yn cyfrannu at Ymchwil Iechyd a Gofal Cymru mewn nifer o ffyrdd gan gynnwys drwy baneli, byrddau neu bwyllgorau, drwy ymgysylltu ar lefel y DU â chyllidwyr a chyrff eraill, a thrwy gyfrannu at feithrin capasiti a gallu ymchwil yng Nghymru drwy amrywiol weithgareddau. Rydym yn ystyried ad-drefnu ein cynlluniau doethurol, ôl-ddoethurol, cymrodoriaeth gyrfa a chynlluniau cysylltiedig. Y bwriad yw dod â’r rhain ynghyd mewn Cyfadran Ymchwil Iechyd a Gofal Cymru newydd a gynlluniwyd i gynnig cyfleoedd ehangach a mwy integredig ar gyfer datblygu gyrfa ym maes ymchwil. Byddai’r Uwch-arweinwyr Ymchwil yn chwarae rôl ganolog yn y Gyfadran newydd hon. 

Cymhwystra

Rhaid i ymgeiswyr fodloni’r meini prawf a ganlyn:

• Rhaid i ymgeiswyr fod yn gweithio yng Nghymru fel ymchwilydd iechyd a/neu gofal cymdeithasol.
• Bydd yn rhaid i’r ymgeisydd feddu ar y profiad fel prif-ymchwilydd/prif ymgeisydd ar grantiau ymchwil sylweddol neu ddyfarniad (o leiaf yn rhannol) gan innau Ymchwil Iechyd a Gofal Cymru, y Cynghorau Ymchwil, NIHR, neu unrhyw gorff ariannu o safon arall (gan gynnwys y cyrff ariannu a fyddai’n gymwys i fod ar y portffolio).
• Mae’n ofynol i ymgeiswyr feddu ar gontract cyflogaeth gyda sefydiad yng Nghymru (erenghraifft Prifysgol Gymraeg, Corff GIG Cymraeg, neu sefydliad gofal cymdeithasol Cymraeg).

Cyfeiriwch at ganllawiau’r flwyddyn berthnasol i gael trosolwg o’r cynllun, sy’n rhoi rhestr ddiweddar, gynhwysfawr o’r meini prawf.

Asesu’r cais

Mae’n debygol mai yn 2024 bydd yr alwad nesaf. Am y meini prawf mwyaf diweddar gallwch ddarllen gorolwg o’r cynllun nghyd â’r ddogfen arweiniad ar gyfer yr alwad.

Yn gyntaf, bydd Ymchwil Iechyd a Gofal Cymru’n asesu’r ceisiadau i weld a ydyn nhw’n gymwys. Bydd ceisiadau sydd yn gymwys yn cael eu hasesu gan banel allanol o academyddion arbenigol. Bydd y panel yn gwneud argymhellion ariannu i Ymchwil Iechyd a Gofal Cymru.