Dyfarniad Cymrodoriaeth Uwch Ymchwil Iechyd a Gofal Cymru

Pwrpas

Mae’r cynllun integredig hwn yn cefnogi ymchwilydd iechyd a gofal cymdeithasol i ddatblygu ei lwybr arweinyddiaeth ymchwil.

Ar gyfer pwy

Ymchwilwyr Iechyd a Gofal Cymdeithasol ôl-ddoethurol ar unrhyw adeg yn eu gyrfa ymchwil. Mae’n rhaid bod ymgeiswyr wedi ennill eu PhD erbyn adeg y cyfweliad ac ni chaniateir iddynt fod mewn swydd lefel Athro ar adeg y cais.

Cyllid ar gael

Mae’r gymrodoriaeth yn ddyfarniad hyfforddi unigol sy’n cynnig cyllid ar gyfer costau cyflog yr unigolyn am hyd at 3 blynedd cyfwerth ag amser llawn (WTE) a chostau prosiect ymchwil a rhaglen hyfforddi a datblygu priodol.

Pryd

Cynllun blynyddol yw hwn ac mae’r alwad nesaf wedi’i threfnu ar gyfer mis 17 Hydref 2024.

Cymorthfeydd Dyfarniadau'r Gymrodoriaeth

Os oes gennych unrhyw gwestiynau am y Dyfarniad Doethuriaeth neu Uwch Gymrodoriaeth, gofynnwch i'r tîm yn un o'r cymorthfeydd:

• Dydd Mercher 23 Hydref 10:00 – 11:00
• Dydd Mercher 27 Tachwedd 14:00 – 15:00

I gadw lle mewn cymorthfa e-bostiwch y tîm

Mae'n bleser gennym gyhoeddi y bydd Cyfadran Ymchwil Iechyd a Gofal Cymru, o 17 Hydref 2024, yn trosglwyddo i ddefnyddio System Rheoli Dyfarniadau newydd a'r ymgeiswyr ar gyfer y Cymrodoriaethau Uwch a Doethurol nesaf fydd y grŵp cyntaf i ddefnyddio'r system newydd hon.

O fis Hydref 2024 ymlaen, bydd y Gyfadran yn gweinyddu'r holl alwadau newydd gan ddefnyddio'r System Rheoli Dyfarniadau a bydd yn dechrau symud rheolaeth holl ddyfarniadau personol presennol Ymchwil Iechyd a Gofal Cymru i'r system hon o fis Ionawr 2025.

Rydym yn rhagweld y bydd y System Rheoli Dyfarniadau newydd yn hwyluso prosesau mwy effeithlon ar gyfer y Gyfadran a fydd o fudd i'n hymgeiswyr a'n haelodau ac yn ein helpu i wella'r gefnogaeth i ymchwilwyr iechyd a gofal cymdeithasol yng Nghymru.

Os oes gennych unrhyw gwestiynau am y system newydd, cysylltwch â thîm y Gyfadran a fydd yn hapus iawn i helpu.