Yr Athro Aled Rees

Mae Aled Rees yn Athro Endocrinoleg yn yr Ysgol Feddygaeth, Prifysgol Caerdydd.  Graddiodd yr Athro Rees o Goleg Meddygaeth Prifysgol Cymru.  

Dyfarnwyd Cymrodoriaeth Hyfforddiant Clinigol Ymddiriedolaeth Wellcome a Chymrodoriaeth Ymddiriedolaeth Endocrinoleg Glinigol y Gymdeithas Endocrinoleg am ei PhD yn archwilio rheoleiddio twf mewn tiwmorau pitẅidol. Mae ei ymchwil gyfredol yn ceisio deall effaith yr amgylchedd hormonaidd mewn bywyd cynnar ar ganlyniadau iechyd hirdymor, gyda ffocws penodol ar glefyd y thyroid a Syndrom Ofari Polycystig (PCOS). Gan ddefnyddio astudiaethau epidemiolegol ar raddfa fawr o ddata cofnodion iechyd electronig go iawn, mae ei grŵp wedi cadarnhau risg uwch o ddigwyddiadau cardiofasgwlaidd, diabetes math 2 a chanlyniadau iechyd meddwl niweidiol mewn cleifion sydd â PCOS. Mae ei grŵp wedi cadarnhau yn ddiweddar achosion cynyddol o PCOS yn y DU ac wedi dangos y baich economaidd iechyd uchel.  

Mewn partneriaeth â Verity, a chefnogaeth Sefydliad Waterloo, ar hyn o bryd mae'n arwain Partneriaeth Gosod Blaenoriaethau Cynghrair James Lind yn PCOS a fydd yn ceisio sefydlu'r 10 blaenoriaeth ymchwil uchaf yn yr anhwylder hwn. Mae'n Arweinydd Ymchwil a Datblygu ar gyfer y Bwrdd Meddygaeth ym Mwrdd Iechyd Prifysgol Caerdydd a'r Fro, yn aelod o Fwrdd Cymdeithas Androgen Excess-PCOS, yn Gynghorydd Pwnc NICE ar gyfer y canllaw PCOS sydd ar ddod, ac yn Ysgrifennydd Cyffredinol y Gymdeithas Endocrinoleg. 

Yn y newyddion:            

Mae Ymchwil Iechyd a Gofal Cymru yn buddsoddi mewn arweinwyr ledled Cymru i lywio ymchwil y dyfodol (Ebrill 2022)