Dathlu llais y gymuned cartrefi gofal mewn ymchwil.

Ymunwch â ni i ddathlu cyflawniadau ENRICH Cymru wrth ymdrin â'r materion sy’n wynebu’r sector cartrefi gofal ar hyn o bryd trwy ofal sy'n seiliedig ar dystiolaeth.

Noddwyd gan Delyth Jewell AS

Rydym yn falch iawn o'ch gwahodd i ddigwyddiad ENRICH Cymru i ddathlu ein cyflawniadau wrth hyrwyddo gofal sy’n seiliedig ar dystiolaeth dros yr wyth mlynedd diwethaf, i lansio ein hadnoddau newydd ar gyfer cartrefi gofal, ac i gyhoeddi ein cyfnod cyllido newydd gan Lywodraeth Cymru tan fis Mawrth 2027 i barhau i gefnogi cartrefi gofal a rhoi cyfle i breswylwyr gymryd rhan mewn ymchwil.

Bydd hwn yn gyfle i randdeiliaid allweddol glywed mwy am waith ENRICH Cymru a phwysigrwydd ymchwil i'r sector cartrefi gofal.

Bydd y siaradwyr yn cynnwys noddwr y digwyddiad, Delyth Jewell AS, Dr Victoria Shepherd, Cadeirydd Bwrdd Cynghori ENRICH Cymru ac Uwch Gymrawd Ymchwil yn y Ganolfan Treialon Ymchwil, yr Athro Andrew Carson-Stevens, Dr Merryn Thomas o dîm astudio Deall Safbwyntiau a Dychymyg Pobl Hŷn ynghylch Newid yn yr Hinsawdd (OPTIC), a chynrychiolwyr cartrefi gofal.

Mae'r digwyddiad hwn yn cael ei drefnu gan ENRICH Cymru, cysylltwch â'r tîm os oes gennych unrhyw ymholiadau.