A oes gennych chi neu rywun rydych chi'n ei adnabod glefyd etifeddol neu brin, neu brofiad o brofion genetig?

Helpwch i lunio dyfodol gwasanaethau genomeg yng Nghymru drwy rannu eich profiadau, a helpu i wella profiad y cleifion i bawb sy'n dod i gysylltiad â gwasanaethau genomeg clinigol yng Nghymru?  

Mae Partneriaeth Genomeg Cymru yn dod ag arbenigwyr o wahanol arbenigeddau iechyd at ei gilydd i sicrhau bod cleifion yn elwa o gael y profion genetig cywir pan fydd eu hangen arnynt. Mae Partneriaeth Genomeg Cymru hefyd yn chwilio am aelodau o'r cyhoedd i ymuno â Bwrdd Seinio Cleifion a’r Cyhoedd sydd â’r nod o helpu i wella profiadau cleifion a gwasanaethau clinigol ar gyfer gwell iechyd a lles pobl sy'n byw gyda chyflyrau prin a genetig. Nid oes angen gwybodaeth feddygol na gwyddonol flaenorol am genomeg.

Genomeg yw'r astudiaeth o enynnau person (y genom), gan gynnwys sut mae'r genynnau hynny'n rhyngweithio â'i gilydd ac amgylchedd y person. Geneteg yw'r astudiaeth o enynnau a sut y gellir eu trosglwyddo, eu hetifeddu. Mae'r ddau yn chwarae rôl gynyddol bwysig wrth wella iechyd personol ac iechyd y cyhoedd, gan gyfrannu at ddiagnosis, atal, triniaeth a gwyliadwriaeth clefydau.

Pa brofiad sydd ei angen arnaf i helpu?

• Pobl sydd â phrofiad personol (neu'n gofalu am rywun â phrofiad personol) o brofion genetig / genomeg / meddygaeth fanwl / treialon clinigol / canser etifeddol / clefydau prin / anhwylderau oedi datblygiadol
• Pobl sydd â sgiliau cyfathrebu da
• Rydym yn croesawu ceisiadau gan bobl sy'n aelodau o grwpiau sydd wedi'u tangynrychioli
• Nid ydym yn chwilio am bobl sydd â phrofiad proffesiynol o weithio ym maes genomeg
• Pobl sydd ar gael i fynychu hyfforddiant sefydlu (rhithwir) ar 2 Gorffennaf 2025 a'r cyfarfod cyntaf ar 3 Gorffennaf 2025

Am restr fanylach gweler y disgrifiad o'r rôl

Beth fydd yn gofyn i mi ei wneud?

• Gofynnir i chi roi eich meddyliau a'ch sylwadau ar ddatblygu dogfennau gwybodaeth i gleifion, cyfathrebu â chleifion, helpu i lunio'r gwasanaeth genomeg a sicrhau bod cleifion, a'u teuluoedd wrth wraidd y gwaith a wneir.
•                 Hoffai'r tîm gwrdd ag unigolion ar y rhestr fer ar-lein trwy MS Teams yn ystod yr wythnos fydd yn dechrau ar 16 Mehefin i drafod y rôl a'r hyn sydd ei angen i fod yn rhan o Fwrdd Seinio Cleifion a'r Cyhoedd.

Pa mor hir y bydd angen i mi?

• Bydd eich angen am ddwy flynedd. Bydd hyn yn cynnwys mynychu cyfarfod sefydlu undydd ar 2 Gorffennaf 2025 a'r cyfarfod cyntaf yn cael ei gynnal ar 3 Gorffennaf 2025. Bydd cyfarfodydd wedyn bob pedwar mis, dyddiadau i'w cadarnhau. 

Beth yw rhai o 'r manteision i mi?

• Cyfrannu at ddatblygu polisïau, prosiectau a gwasanaethau newydd sy'n gysylltiedig â gweithgareddau Partneriaeth Genomeg Cymru
• Y cyfle i gyfrannu at lunio ymchwil a all newid gwasanaethau i gleifion a'u teuluoedd sy'n byw gyda chlefydau prin.

Pa gymorth sy'n cael ei gynnig?

• Talu costau teithio rhesymol a chostau gofalwr neu ofal plant ychwanegol, yn unol â chanllawiau eu sefydliad lletyol
• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth). Os ydych chi'n derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth Helpu ag Ymchwil.
• Darparu sesiwn sefydlu undydd i gyflwyno'r pwnc a chymorth a gwybodaeth barhaus pan fydd pynciau arbenigol yn codi
• Darparu adnoddau i sicrhau bod gennych yr holl wybodaeth am genomeg y gallai fod ei hangen arnoch

Os hoffai unrhyw un sydd â diddordeb mewn ymgeisio glywed mwy gan aelod presennol o'r Bwrdd Seinio am sut beth yw'r rôl, gallant gysylltu â'r tîm ar (GenomicspartnershipWales@wales.nhs.uk) all eu rhoi mewn cysylltiad ag aelod presennol.

Cwblhewch y ffurflen isod