Oes gennych chi ddiddordeb mewn gwneud Cymru yn fan lle mae bywydau iach yn dod yn gyntaf?"

Oeddech chi'n gwybod bod pobl sy'n byw mewn ardaloedd mwy difreintiedig yng Nghymru yn byw pump i wyth mlynedd yn llai na'r bobl mewn ardaloedd cyfoethocach?

Mae yna lawer o resymau am hyn - gan gynnwys pethau fel llety, incwm, a mynediad at ofal iechyd o safon. Ond mae ffactor pwysig arall yn aml yn cael ei anwybyddu: cwmnïau mawr sy'n gwneud ac yn hyrwyddo cynhyrchion afiach, fel bwyd cyflym, alcohol, a thybaco. 

Mae Iechyd Cyhoeddus Cymru yn ystyried sut y gall llywodraethau, y GIG a chymunedau weithio gyda'i gilydd i gefnogi dewisiadau iachach i bobl, a sut i annog cwmnïau mawr i newid y ffordd y maen nhw'n gweithredu — fel gwneud eu cynhyrchion yn llai niweidiol neu hysbysebu yn fwy cyfrifol.

Pa brofiad sydd ei angen arnaf i helpu?

Nid oes angen unrhyw wybodaeth na phrofiad arbennig arnoch i gymryd rhan.

Nid oes angen unrhyw brofiad blaenorol arnoch i gymryd rhan, ond byddai'n ddefnyddiol os:

• Ydych wedi byw neu weithio mewn cymuned yr effeithir arni gan anghydraddoldebau iechyd
• Gallwch roi adborth gonest, meddylgar
• Oes gennych ddiddordeb mewn iechyd, tegwch, neu wella bywydau pobl

Yr unig ofyniad yw nad oes gennych gysylltiadau personol neu broffesiynol â diwydiannau fel tybaco, alcohol, neu fwyd cyflym.

Beth fydd gofyn i mi ei wneud?

• Byddwch yn cael eich gwahodd i fynd i ddau gyfarfod ar-lein (tua 1 awr yr un), gyda thua awr o baratoi ymlaen llaw.
• Gofynnir i chi adolygu a rhoi sylwadau ar gwestiynau arolwg drafft a rhoi adborth ar sut maent yn cael eu mynegi a'u deall.
• Bydd y cyfarfodydd hyn yn anffurfiol ond wedi eu tywys, gan roi lle diogel i chi rannu eich meddyliau a'ch syniadau.

Pa mor hir y bydd fy angen?

• Os byddwch chi'n cymryd rhan, byddwch chi'n ymuno â dau gyfarfod awr o hyd dros dri mis, gyda thua awr o baratoi ar gyfer pob un. Bydd eich cyfranogiad yn hyblyg, wedi'i gefnogi'n llawn, a bydd eich amser a'ch mewnwelediad yn cael eu gwerthfawrogi'n fawr.

Beth yw rhai o 'r manteision i mi?

Trwy gymryd rhan, byddwch yn:

• Helpu i greu newid gwirioneddol yn y ffordd y gwneir penderfyniadau iechyd cyhoeddus
• Dysgu mwy am sut mae diwydiannau pwerus yn dylanwadu ar iechyd
• Cael eich llais wedi’i glywed ar faterion sy'n bwysig i'ch cymuned

Pa gymorth sy'n cael ei gynnig?

• Talu costau ychwanegol rhesymol gofalwr neu ofal plant,
• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).

Edrychwch ar ein canllawiau i gael mwy o wybodaeth am hyn. 

Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth helpu ag Ymchwil.

Cwblhewch y ffurflen isod