Mae’r wobr hon yn cydnabod cyflawniadau unigolion neu dimau yn eu maes ymarfer, lle mae ymchwil yn cael ei chroesawu, yn cael ei hintegreiddio mewn gwasanaethau ac yn rhan greiddiol o ddiwylliant y sefydliad o ganlyniad i’w cyflawniadau.

Bydd y panel beirniaid yn chwilio am enghreifftiau lle mae unigolion neu dimau wedi cyfrannu at ymdrechion eu sefydliad i groesawu ymchwil drwy godi ymwybyddiaeth o ymchwil ymhlith staff, cefnogi’r gwaith o ddatblygu sgiliau ymchwil, codi proffil ymchwil yn y sefydliad a dangos gwerth a phwysigrwydd ymchwil i grwpiau penodol o staff neu uwch arweinwyr.

I fod yn gymwys, rhaid i chi ddweud wrthym am enghraifft a ddigwyddodd yn ystod 2024-25. 

Rhaid i’ch cyflwyniad gynnwys y canlynol:

1. Y rôl(au) – pwy oedd yn rhan o’r gwaith? Unigolion neu dimau? Rolau proffesiynol a/neu leyg?

2. Disgrifiwch y gweithgaredd a gyfrannodd at y croeso y mae ymchwil wedi’i gael yn y sefydliad, gan gynnwys sut y cafodd ei ddatblygu a’i weithredu

3. Esboniwch sut mae hyn wedi arwain at integreiddio ymchwil mewn ffyrdd o weithio bob dydd

4. Disgrifiwch y gwahaniaeth y mae hyn wedi’i wneud, neu y bydd yn ei wneud, i ddiwylliant ymchwil y sefydliad

5. Esboniwch sut y mae’n bosibl ehangu’r dysgu i leoliadau ymarfer eraill

Mae’r wobr hon yn cydnabod y gwahaniaeth y mae ymchwil yng Nghymru yn ei wneud i fywydau bob dydd pobl a’r gwahaniaeth y gall pobl ei wneud i’r ymchwil honno.

Bydd y panel beirniaid yn chwilio am enghreifftiau o werth gwirioneddol i’r cyhoedd a chleifion, a/neu effaith ar y GIG a gwasanaethau gofal cymdeithasol yng Nghymru, gan gynnwys, os yw’n briodol, cynaliadwyedd ariannol, cymdeithasol ac amgylcheddol.

I fod yn gymwys, mae’n rhaid i chi ddweud wrthym am brosiect a oedd naill ai’n weithredol neu a gafodd ei gwblhau yn 2024-25 neu a gafodd effaith yn ystod y cyfnod hwn.

Rhaid i’ch cyflwyniad ysgrifenedig gynnwys y canlynol:

• Y pwnc – pam ei fod yn bwysig, beth oedd yr angen ymchwil neu’r bwlch gwybodaeth, a oedd aelodau’r cyhoedd yn rhan o’r dewis?

• Yr ymchwil – pwy gyflawnodd yr ymchwil, sut y digwyddodd, pwy wnaeth ei hariannu, pwy oedd yn gysylltiedig

• Yr effaith – sut mae’r ymchwil wedi cael ei defnyddio (neu sut y gellid ei defnyddio) i newid polisi/ymarfer a gwella iechyd a gofal a/neu wella effeithiau amgylcheddol, cymdeithasol neu ariannol o gymharu ag ymarfer safonol

• Cynnwys y cyhoedd – sut mae cynnwys y cyhoedd mewn ffordd gynhwysol (cleifion, gofalwyr, defnyddwyr gwasanaeth ac ati) wedi cyfrannu at yr effaith y mae eich ymchwil wedi’i chael

Mae’r wobr hon yn cydnabod cynnwys y cyhoedd yn y ffordd orau bosibl mewn astudiaeth ymchwil iechyd neu ofal cymdeithasol, gan ddefnyddio Safonau’r DU ar gyfer Cynnwys y Cyhoedd fel mesur. 

Bydd y panel beirniaid yn chwilio am enghreifftiau lle mae aelodau’r cyhoedd yn rhan o brosiect ymchwil. Gallai hyn gynnwys:

• nodi a blaenoriaethu ymchwil

• helpu i ysgrifennu ceisiadau am gyllid

• dylunio a rheoli’r astudiaeth

• ymgymryd ag ymchwil

• lledaenu canfyddiadau

• gweithredu’r canfyddiadau

• gwerthuso’r effaith

I fod yn gymwys, mae’n rhaid i chi allu dweud wrthym am brosiect a oedd naill ai’n weithredol neu a gafodd ei gwblhau yn 2024-25.

Rhaid i’ch cyflwyniad gynnwys y canlynol: 

• Disgrifiad o sut y gwnaeth Safonau’r DU ar gyfer Cynnwys y Cyhoedd lywio’r ffordd y cafodd y gwaith o gynnwys y cyhoedd ei gynllunio a’i reoli.  

• Faint o bobl y gwnaethoch chi eu cynnwys a pha brofiadau bywyd a oedd ganddynt a oedd yn berthnasol i’r ymchwil.

• Sut y cymerodd aelodau’r cyhoedd ran mewn ffyrdd ystyrlon a pherthnasol, gan gynnwys y tasgau, y cyfarfodydd a’r gweithgareddau y gofynnwyd i bobl ymgymryd â nhw?

• Tystiolaeth o’r effaith a gafodd cynnwys y cyhoedd ar yr astudiaeth ymchwil ac ar aelodau’r cyhoedd a oedd yn rhan ohoni, a’r gwahaniaeth a wnaeth iddynt.

Mae’r wobr hon yn cydnabod cyflawniadau unigolion neu dimau yn eu maes ymarfer, lle mae ymchwil yn cael ei chroesawu, yn cael ei hintegreiddio mewn gwasanaethau ac yn rhan greiddiol o ddiwylliant y sefydliad o ganlyniad i’w cyflawniadau.

Bydd y panel beirniaid yn chwilio am enghreifftiau lle mae unigolion neu dimau wedi cyfrannu at ymdrechion eu sefydliad i groesawu ymchwil drwy godi ymwybyddiaeth o ymchwil ymhlith staff, cefnogi’r gwaith o ddatblygu sgiliau ymchwil, codi proffil ymchwil yn y sefydliad a dangos gwerth a phwysigrwydd ymchwil i grwpiau penodol o staff neu uwch arweinwyr.

I fod yn gymwys, rhaid i chi ddweud wrthym am enghraifft a ddigwyddodd yn ystod 2024-25. 

Rhaid i’ch cyflwyniad gynnwys y canlynol:

1. Y rôl(au) – pwy oedd yn rhan o’r gwaith? Unigolion neu dimau? Rolau proffesiynol a/neu leyg?

2. Disgrifiwch y gweithgaredd a gyfrannodd at y croeso y mae ymchwil wedi’i gael yn y sefydliad, gan gynnwys sut y cafodd ei ddatblygu a’i weithredu

3. Esboniwch sut mae hyn wedi arwain at integreiddio ymchwil mewn ffyrdd o weithio bob dydd

4. Disgrifiwch y gwahaniaeth y mae hyn wedi’i wneud, neu y bydd yn ei wneud, i ddiwylliant ymchwil y sefydliad

5. Esboniwch sut y mae’n bosibl ehangu’r dysgu i leoliadau ymarfer eraill