Helpu i lywio sgyrsiau iechyd meddwl yng Nghymru

Ydych chi wedi defnyddio gwasanaethau iechyd meddwl yng Nghymru? Beth am gadeirio ein gweminar genedlaethol sydd i ddod a helpu i lywio sut mae gwasanaethau iechyd meddwl yn cael eu trafod a'u deall?

Mae Cyfadran Ymchwil Iechyd a Gofal Cymru yn chwilio am rywun â phrofiad bywyd o wasanaethau iechyd meddwl i gadeirio gweminar bwysig ar 12 Mehefin 2025 a helpu i wneud gwasanaethau yn fwy tosturiol. Mae'r weminar yn ymwneud â chyfleoedd i staff sy'n ymwneud â gwaith iechyd meddwl ymgymryd ag ymchwil.  Bydd yn edrych ar y cyllid sydd ar gael ac yn cynnwys dau sydd wedi derbyn dyfarniad yn sôn am eu profiadau. Mae'r Gyfadran yn croesawu mynegiadau o ddiddordeb gan unigolion o bob cefndir ac yn annog pobl sydd â phrofiadau amrywiol o wasanaethau iechyd meddwl yng Nghymru i wneud cais.

Pa brofiad sydd ei angen arnaf i helpu?

• Profiad bywyd o wasanaethau iechyd meddwl yng Nghymru
• Yn gyfforddus yn siarad ar-lein
• Yn frwdfrydig am gyfrannu at sgyrsiau tosturiol, cynhwysol am ofal iechyd meddwl

Beth fydd gofyn i mi ei wneud?

Bydd rôl y Cadeirydd yn cynnwys croesawu mynychwyr, cyflwyno siaradwyr, a hwyluso'r sesiwn holi ac ateb. Fel y Cadeirydd, gofynnir i chi ymuno â'r weminar 15 munud cyn y sesiwn i ganiatáu amser ar gyfer gwiriad technegol byr a pharatoadau terfynol. Bydd yr holl drefniadau technegol yn cael eu rheoli gan y trefnwyr. 

Yn ddelfrydol, bydd y Cadeirydd hefyd ar gael ar gyfer cyfarfod rhagarweiniol byr cyn 12 Mehefin i adolygu fformat y weminar a chadarnhau'r trefniadau.

Pa mor hir fydd fy angen?

Yn ogystal â mynychu'r weminar, bydd dau gyfarfod byr:

• Cyfarfod rhagarweiniol byr yn y dyddiau cyn y weminar (tua 20 munud) i esbonio'r fformat a'r disgwyliadau
• Gwiriad technegol am 10:45 ar ddiwrnod y weminar i wneud yn siŵr bod popeth yn gweithio ac i gadarnhau’r trefniadau
• Nid oes angen unrhyw ymrwymiad parhaus y tu hwnt i'r sesiynau hyn.

Beth yw rhai o'r buddion i mi?

• Ennill profiad o gadeirio gweminar broffesiynol
• Cyfle i lunio trafodaethau iechyd meddwl yng Nghymru gan ddefnyddio eich profiad bywyd

 Pa gefnogaeth sydd ar gael?

• Bydd cyfarfod ymlaen llaw yn cael ei gynnal i gadarnhau’r trefniadau a bydd angen mewngofnodi’n gynnar ar y diwrnod i wirio'r dechnoleg a chadarnhau’r trefniadau

• Ni fydd unrhyw ad-daliad am amser yn cael ei gynnig am y cyfle hwn – Mae'n wirfoddol.

Llenwch y ffurflen isod