Ydych chi neu anwylyn wedi cael llawdriniaeth ar gyfer canser y croen?

Pa brofiad sydd ei angen arnaf i helpu?

Bydd angen:

• profiad personol o lawdriniaeth canser y croen, fel claf, gofalwr neu berthynas
• rhannu profiadau gyda'r tîm
• sgiliau cyfathrebu cryf
• dealltwriaeth o’r heriau sy'n wynebu pobl sy'n cael triniaeth ar gyfer canser y croen.

Mwy o wybodaeth

Canser y croen yw'r math mwyaf cyffredin o ganser. Bob blwyddyn yn y DU, mae tua 200,000 o bobl yn cael canser ar y croen wedi ei dynnu oddi yno drwy lawdriniaeth.

Mae rhai mathau o ganser y croen yn torri trwy'r croen sy'n gallu arwain at haint. Mae meddygon yn rhagnodi gwrthfiotigau ar adeg y llawdriniaeth i atal heintiau tua 50% o'r amser.

Fodd bynnag, gall defnyddio mwy o wrthfiotigau nag sydd ei angen arwain at sgîl-effeithiau diangen i gleifion a all achosi i’r bacteria sy'n achosi'r haint allu gwrthsefyll gwrthfiotigau.

Bydd yr astudiaeth hon yn ystyried a yw rhoi gwrthfiotigau i gleifion ar ôl llawdriniaeth yn fuddiol.

Beth fydd gofyn i mi ei wneud?

Gofynnir i chi fynychu cyfarfodydd, adolygu a darparu adborth ar ddogfennau sy'n ymwneud â'r astudiaeth.

Byddwch hefyd yn gweithredu fel 'cyfaill beirniadol' drwy gynnig gwybodaeth sy'n canolbwyntio ar y claf i'r tîm ymchwil.

Pa mor hir fydd fy angen?

Byddwch yn cymryd rhan am oddeutu tair blynedd. Bydd angen i chi fynychu cyfarfod 90 munud bob chwe mis. 

Cyn pob cyfarfod, bydd angen i chi adolygu dogfennau am awr neu ddwy.

Beth yw rhai o'r buddion i mi?

Buddion i chi :

• Bod yn rhan o brosiect ymchwil sy'n effeithio'n uniongyrchol ar ganlyniadau gofal iechyd a phrofiadau cleifion
• Ennill profiad o gyfrannu at ymchwil glinigol a dylanwadu ar ddylunio a chyflwyno astudiaethau.

Bydd ein tîm yn: 

• Talu costau teithio rhesymol a chostau gofalwr neu ofal plant ychwanegol,
• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).

Edrychwch ar ein canllawiau i gael mwy o wybodaeth am hyn.

Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cynghori ar Fudd-daliadau ar gyfer Cyfranogi.

Pa gefnogaeth sydd ar gael?

Darperir hyfforddiant yn ôl yr angen, a bydd person cyswllt dynodedig ar gael i roi arweiniad a chymorth.

Sut ydw i'n ymgeisio?

Llenwch y ffurflen ar-lein a dywedwch wrthym sut rydych chi'n bodloni’r profiad angenrheidiol. 

Ddim yn siŵr sut i lenwi 'r ffurflen ar-lein neu hoffech drafod cyfle ymhellach?

Yna gall y tîm eich helpu, cysylltwch â ni trwy e-bost i drefnu sgwrs.

Mae mynediad at unrhyw wybodaeth rydych yn ei rhannu â ni yn ddiogel, yn gyfyngedig ac yn cael ei thrin yn gyfrinachol.

Beth fydd yn digwydd nesaf.

Os yw eich cais yn cyd-fynd â'r profiad gofynnol, caiff ei anfon at arweinydd y prosiect.

Byddwn yn cysylltu â chi gyda'r wybodaeth ddiweddaraf am gynnydd eich cais.

Os oes gennych unrhyw gwestiynau, cysylltwch â ni drwy e-bost neu ffoniwch 02920 230 457.