Helpwch i wella triniaeth menopos a perimenopos

Ymunwch â phwyllgor llywio i helpu i lunio astudiaeth sydd â’r nod o ddarganfod a allai ychwanegu testosteron at therapi amnewid hormonau (HRT) wella symptomau'r menopos.

Mae ymchwilwyr yn y Ganolfan Ymchwil Treialon, Prifysgol Caerdydd, yn cynnal astudiaeth i ddarganfod a all ychwanegu testosteron at therapi amnewid hormonau (HRT) safonol wella symptomau'r menopos.

Mae'r cyfle hwn yn rhan o brosiect ymchwil a ariennir, o'r enw ESTEEM sy’n gwerthuso effeithiolrwydd clinigol, ac o ran cost, rhoi testosteron i wella ansawdd bywyd yn ymwneud â’r menopos, a gefnogir gan y Sefydliad Cenedlaethol ar gyfer Ymchwil Iechyd a Gofal (NIHR). Bydd y treial yn weithredol rhwng 2025 a 2028.

Fel cyfrannwr cyhoeddus ar y pwyllgor llywio, byddwch yn helpu i oruchwylio cynnydd yr astudiaeth ac yn sicrhau ei bod yn parhau i fod yn foesegol, yn dryloyw ac yn berthnasol i bobl sydd â phrofiad bywyd.

Pa brofiad sydd ei angen arnaf i helpu?

• bod yn defnyddio HRT ar hyn o bryd ar gyfer perimenopos neu menopos a dal i fod yn profi symptomau
• gallu defnyddio Microsoft Word ac ymuno â chyfarfodydd ar-lein trwy gyfryngau fideogynadledda
• bydd dealltwriaeth o dreialon clinigol yn ddefnyddiol ond nid yn ofynnol, darperir hyfforddiant a chefnogaeth

Beth fydd yn gofyn i mi ei wneud?

• Byddwch yn mynychu cyfarfodydd pwyllgor llywio (tua phedwar i bump ar draws yr astudiaeth gyfan) ac yn adolygu dogfennau perthnasol.
• Byddwch yn cyfrannu eich profiad bywyd a'ch safbwynt i helpu i lywio'r astudiaeth a sicrhau bod buddiannau cyfranogwyr yn cael eu hystyried.

Pa mor hir y bydd fy angen?

• Byddwch yn cymryd rhan rhwng gwanwyn 2025 a 2028. Bydd cyfarfodydd yn para un i ddwy awr yr un, gydag awr o amser paratoi ar gyfer adolygu dogfennau cyn pob cyfarfod.

Beth yw rhai o 'r manteision i mi?

• Cyfle i gyfrannu at ymchwil a allai wella gofal menopos
• Profiad o weithio gyda thîm ymchwil cefnogol a phrofiadol
• Golwg ar waith treialon ymchwil

 Pa gymorth sy'n cael ei gynnig?

• Talu costau teithio rhesymol a chostau gofalwr neu ofal plant ychwanegol.
• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).
• Byddwch yn cael eich cefnogi gan arweinydd cynnwys y cyhoedd ymroddedig, a darperir unrhyw hyfforddiant angenrheidiol.

Os ydych chi'n derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth helpu ag ymchwil.  

Llenwch y ffurflen isod