Helpu ymchwilwyr i wella'r nifer sy'n manteisio ar brawf sgrinio'r coluddyn.

Defnyddiwch eich profiad i nodi rhwystrau sy'n atal pobl â phroblemau iechyd meddwl difrifol rhag manteisio ar wasanaethau sgrinio.

Pa brofiad sydd ei angen arnaf i helpu?

• Profiad bywyd o ganser y coluddyn
• profiad bywyd o broblemau iechyd meddwl difrifol neu o ofalu am rywun â phroblemau iechyd meddwl difrifol
• gofalu am rywun nad oedd wedi cymryd rhan mewn sgrinio canser y coluddyn
• yn byw yng Nghymru
•  yn gyfforddus yn darllen dogfennau prosiect ac yn rhannu eich syniadau â'r tîm ymchwil

Mwy o wybodaeth

Hoffai ymchwilwyr ddatblygu prosiect sy'n ystyried pam mae pobl â salwch meddwl difrifol yn ei chael hi’n anodd manteisio ar sgrinio iechyd, gan gynnwys canser y coluddyn.  

Hoffai'r tîm ymchwil ddarganfod faint o bobl â salwch meddwl difrifol sydd wedi cymryd rhan mewn sgrinio canser y coluddyn, os oes gan unrhyw ardaloedd yng Nghymru gyfraddau is o bobl yn cymryd rhan yn y sgrinio ac ystyried unrhyw resymau pam mae yna wahaniaethau.

Beth fydd gofyn i mi ei wneud?

Bydd gofyn i chi fynychu cyfarfod ar-lein neu alwad ffôn i drafod y prosiect ymchwil â’r tîm ymchwil.  Byddwch yn darllen gwybodaeth y prosiect ac yn rhoi eich adborth ar sut y byddai modd llunio'r prosiect i sicrhau bod y tîm yn cyrraedd eu nod o ddeall y nifer sy'n cael eu sgrinio ymhlith pobl â salwch meddwl difrifol.

Pa mor hir fydd fy angen?

Bydd cyfarfod cychwynnol o 1.5 awr i drafod y syniad ymchwil a chyfarfodydd rheolaidd i ddatblygu'r prosiect tan i’r cais gael ei gyflwyno.

Yna bydd 2.5 awr arall i ddarllen yr wybodaeth a'r cynlluniau ymchwil a rhoi eich adborth a'ch syniadau.

Os cewch eich gwahodd i fod yn gyd-ymgeisydd, gofynnir i chi fynychu cyfarfodydd rheolaidd bob tri mis, yn ystod y prosiect.

Beth yw rhai o'r buddion i mi?

Bydd ein tîm yn: 

• cynnig taliad am amser o £25.00 yr awr (gall pobl ofyn am lai os ydynt yn cael budd-daliadau'r wladwriaeth).
• cynnig i chi fod yn gyd-ymgeisydd ar yr astudiaeth
• dysgu sut mae ymchwil yn cael ei gynllunio a'i gynnal
• magu’ch hyder wrth fynychu cyfarfodydd a rhannu’ch barn

Edrychwch ar ein canllawiau i gael mwy o wybodaeth am hyn.

Os ydych yn cael unrhyw fudd-daliadau, gallwch gael cyngor cyfrinachol gan y Gwasanaeth Cynghori ar Fudd-daliadau ar gyfer Cyfranogi.

Pa gefnogaeth sydd ar gael?

Cewch eich cefnogi gan aelod penodol o'r tîm ymchwil.

Sut ydw i'n ymgeisio?

Llenwch y ffurflen ar-lein a dywedwch wrthym sut rydych chi'n bodloni’r profiad angenrheidiol. 

Os nad ydych yn siŵr sut i lenwi'r ffurflen ar-lein neu os hoffech drafod cyfle ymhellach

yna gall y tîm eich helpu, cysylltwch â ni drwy e-bost i drefnu sgwrs.

Mae mynediad at unrhyw wybodaeth rydych yn ei rhannu â ni yn ddiogel, yn gyfyngedig ac yn cael ei thrin yn gyfrinachol.

Beth fydd yn digwydd nesaf.

Os yw eich cais yn cyd-fynd â'r profiad gofynnol, caiff ei anfon at arweinydd y prosiect.

Byddwn yn cysylltu â chi gyda'r wybodaeth ddiweddaraf am gynnydd eich cais.

Os oes gennych unrhyw gwestiynau, cysylltwch â ni drwy e-bost neu ffoniwch 02920 230 457.