Ydych chi eisiau helpu i wella cynnwys y cyhoedd mewn ymchwil iechyd a gofal cymdeithasol yng Nghymru?

Helpwch i lunio arolwg hygyrch a fydd yn archwilio profiad a boddhad pobl sy'n cymryd rhan mewn ymchwil iechyd a gofal cymdeithasol ledled Cymru.

Mae Ymchwil Iechyd a Gofal Cymru yn datblygu arolwg a fydd yn cael ei ddefnyddio'n lleol ac yn genedlaethol i wella'r profiad ymchwil i bawb sy'n cymryd rhan.

Byddwch yn helpu i lunio'r arolwg a sicrhau ei fod yn glir, yn hygyrch ac yn ystyrlon. Mae hwn yn gyfle i fynegi eich barn a dylanwadu ar sut mae pobl sy’n cymryd rhan mewn ymchwil yn cael eu trin a'u deall.

Pa brofiad sydd ei angen arnaf i helpu?

Nid oes angen unrhyw brofiad blaenorol arnoch, ond byddai'r canlynol yn ddefnyddiol:

• Rydych wedi cymryd rhan mewn astudiaeth ymchwil
• Gallwch roi adborth gonest, meddylgar
• Diddordeb mewn gofal iechyd, ymchwil, neu wella profiad cleifion

Beth fydd gofyn i mi ei wneud?

• Bod mewn dau gyfarfod ar-lein (1 awr yr un) a threulio awr yn paratoi ar gyfer pob un
• Adolygu a rhoi sylwadau ar gwestiynau'r arolwg
• Helpu i wella sut mae’r cwestiynau wedi’u geirio a'u deall

Pa mor hir y bydd fy angen?

• Pythefnos - Bydd eich angen chi am bedair awr dros bythefnos – mae hyn yn cynnwys amser cyfarfod a pharatoi. Bydd dyddiad y cyfarfodydd yn cael ei benderfynu ar ôl dewis. 

Beth yw rhai o 'r manteision i mi?

• Cael effaith wirioneddol ar yr arolwg a sicrhau ei fod yn hawdd ei ddefnyddio
• Datblygu eich sgiliau a dysgu am y broses datblygu ymchwil
• Bod yn rhan o dîm cyfeillgar a chynhwysol

Pa gymorth sy'n cael ei gynnig?

• Cynnig taliad am amser o £25.00 yr awr (gall pobl ofyn am lai os ydynt yn derbyn budd-daliadau'r wladwriaeth).
• Cyfle i ofyn cwestiynau i'r ymchwilydd yn unigol ac fel rhan o grŵp ffocws

Edrychwch ar ein canllawiau i gael mwy o wybodaeth am hyn. 

Os ydych yn derbyn unrhyw fudd-daliadau, gallwch gael cyngor cyfrinachol gan y Gwasanaeth Cyngor ar Fudd-daliadau wrth Helpu ag Ymchwil.

Llenwch y ffurflen isod