Ymchwil Iechyd a Gofal Cymru yn cyhoeddi penodiadau Arweinwyr Arbenigeddau Cymru mewn tri maes arbenigedd

Mae Ymchwil Iechyd a Gofal Cymru yn falch o gyhoeddi penodiadau pedwar Arweinydd Arbenigeddau Cymru mewn tri maes arbenigedd: cardiofasgwlaidd, gofal lliniarol ac iechyd y cyhoedd.

• Cardiofasgwlaidd - Dr Daniel Obaid
• Gofal Lliniarol - Dr Marlise Poolman
• Iechyd y Cyhoedd - Yr Athro Alisha Davies a'r Athro Tom Connor 

Bydd Arweinwyr Arbenigeddau Cymru yn parhau i hyrwyddo a chefnogi cyflawni ymchwil, adeiladu rhwydweithiau o brif ymchwilwyr o fewn eu harbenigedd a chefnogi'r broses o dderbyn astudiaethau ledled Cymru. 

Dywedodd Dr Nicola Williams, Cyfarwyddwr Cenedlaethol Cymorth a Chyflenwi yn Ymchwil Iechyd a Gofal Cymru: “Mae ein Harweinwyr Arbenigol yn hanfodol i hyrwyddo ymchwil ar draws pob portffolio clinigol, gan atgyfnerthu ein dull Cymru'n Un.

"Maent hefyd yn chwarae rhan allweddol wrth ehangu ein gallu ar gyfer ymchwil fasnachol, gyda chefnogaeth cyllid gan y rhaglen Cynllun Gwirfoddol ar gyfer Prisio, Mynediad a Thwf Meddygaeth Brand. Ar ben hynny, maent yn cyfrannu'n sylweddol at rwydweithio yng nghyfarfodydd Arweinwyr Arbenigeddau'r DU, gan feithrin ymgysylltiad ar draws rhwydwaith cenedlaethol ehangach."

Darllenwch restr lawn o Arweinwyr Arbenigeddau Cymru 2025-2028.