ENRICH Cymru

Caiff Galluogi Ymchwil Mewn Cartrefi Gofal (ENRICH) Cymru ei gynnal ar y cyd gan Ganolfan Cefnogi a Chyflenwi Ymchwil Iechyd a Gofal Cymru a’r Ganolfan Ymchwil Heneiddio a Dementia ac mae’n rhwydwaith ymchwil Cymru gyfan o gartrefi gofal sy’n cynorthwyo cyflwyno a hwyluso ymchwil o safon uchel sy’n mynd i’r afael â materion presennol yn y sector cartrefi gofal.

Mae'r rhwydwaith yn hyrwyddo cyfnewid syniadau a gwybodaeth, ac yn meithrin cyd-greu ymchwil ledled y wlad drwy ddod â staff cartrefi gofal, preswylwyr a'u teuluoedd at ei gilydd gydag ymchwilwyr.

Mae lle yn y rhwydwaith i bob cartref gofal sydd â diddordeb ymuno, p’un a ydych eisiau cael y newyddion diweddaraf am y datblygiadau diweddaraf ym maes ymchwil neu os ydych chi’n barod i gynorthwyo drwy gyflawni ymchwil yn eich cartref chi.

Bydd aelodau rhwydwaith ENRICH Cymru yn derbyn:

Diweddariadau rheolaidd am gyfleoedd ymchwil sydd ar y gweill yng Nghymru a’r datblygiadau diweddaraf ym maes ymchwil a datblygu cartrefi gofal ledled y DU
Hyfforddiant ar-lein am ddim
Cyngor a chymorth ar oresgyn yr heriau o ran cyflenwi ymchwil mewn cartrefi gofal
Cefnogaeth i nodi cartrefi gofal a phreswylwyr i gynorthwyo astudiaethau

I gael rhagor o wybodaeth, anfonwch e-bost I aelod o’r tîm neu i ymuno â rhwydwaith ENRICH Cymru, llenwch y ffurflen ymaelodi â’r rhwydwaith cartrefi gofal sy’n barod ar gyfer ymchwil.

Mae rhwydwaith ENRICH Cymru yn gysylltiedig â rhwydweithiau rhanbarthol ENRICH ar draws Lloegr a’r Alban. Am fwy o wybodaeth ewch i wefan ENRICH.

Staff Cartrefi Gofa

Caiff ymchwil ei wella pan fydd staff cartrefi gofal yn cael eu cynnwys wrth osod cwestiynau, penderfynu sut i gasglu gwybodaeth a gwneud penderfyniadau ar beth sy’n wybodaeth bwysig i’w chylchredeg o ganlyniadau’r astudiaeth.

Gall gymryd rhan mewn ymchwil amrywio o ddosbarthu taflenni am ymchwil i breswylwyr i helpu i gynnal astudiaethau fel Hiraeth. Bwriad cynorthwyo ymchwil yw helpu i wella ansawdd bywyd preswylwyr a phobl eraill sy’n byw mewn cartrefi gofal.

Buddion cymryd rhan mewn ymchwil yw:

cysylltiadau gwell gyda gwasanaethau cymunedol a rhwydweithiau cartrefi gofal lleol eraill
datblygiadau newydd sy’n ddefnyddiol i arferion bob dydd
hyrwyddo eich cartref gofal fel un sy’n chwarae rhan weithredol o ran darparu arfer sy’n seiliedig ar dystiolaeth

Ymchwilwyr

Mae ENRICH Cymru yn bwriadu cynyddu faint o ymchwil a gynhelir yn y sector gofal. Gall y rhwydwaith gynnig cymorth ac arweiniad i helpu i oresgyn yr heriau wrth gyflawni ymchwil ac wrth nodi cartrefi gofal a phreswylwyr i gynorthwyo mewn astudiaethau.

Dyma rai o’r rhesymau allweddol mae cynnal ymchwil mewn cartrefi gofal yn hanfodol:

Gwella bywydau preswylwyr

Mae gwir newid mewn polisi a gofal, yn dod o’r dystiolaeth a gafwyd yn yr ymchwil. Po fwyaf o ymchwil a gynhelir, y gorau bydd ansawdd y gofal a ddarperir ledled y wlad.

Gwella mynediad i ymchwil

Mae preswylwyr cartrefi gofal wedi’u tangynrychioli mewn ymchwil glinigol, gall agor mynediad i’r astudiaethau hyn wella recriwtio yn yr astudiaethau prin sydd ar gael ar hyn o bryd.

Yn helpu i ddatblygu’r arferion gorau

Gan fod preswylwyr wedi’u tangynrychioli mewn ymchwil, mae rhai meysydd lle mae’r dystiolaeth i gefnogi arfer gorau yn wan. Mae’r diffyg tystiolaeth hyn yn darparu cyfleoedd i ddatblygu ymchwil newydd.

Codi’r safonau

Mae tystiolaeth ymchwil yn hanfodol i godi safonau gofal mewn cartrefi gofal. Er enghraifft, fe wnaeth un astudiaeth ddarparu hyfforddiant a chymorth i staff cartrefi gofal ac o ganlyniad fe wnaeth defnydd cyffuriau niwroleptig mewn preswylwyr heb ddementia leihau 50% heb waethygu symptomau ymddygiadol

Cartrefi gofal yn y rhwydwaith