Ymgorffori ymchwil yn y GIG
Mae gwella gwasanaethau iechyd a gofal yng Nghymru gan ddefnyddio dulliau sy'n seiliedig ar dystiolaeth yn hanfodol i wella ansawdd gofal a rhoi'r cyhoedd wrth wraidd popeth. Mae ymchwil yn gwneud gwahaniaeth gwirioneddol i wella canlyniadau iechyd ac i fywydau cleifion a phobl yn ein cymunedau.
Mae ymchwil yn rhan o ofal ac yn rhoi cyfle i gleifion a defnyddwyr gwasanaethau gael mynediad at driniaethau a gwasanaethau newydd, a fydd yn gwella eu hiechyd a'u llesiant neu iechyd a llesiant eraill yn y dyfodol, ac yn fwy eang yn cyfrannu at leihau annhegwch iechyd yn y boblogaeth gyffredinol. Mae gan sefydliadau’r GIG yng Nghymru rôl hanfodol wrth gefnogi ymchwil.
Mae Ymchwil Iechyd a Gofal Cymru, drwy gydweithio ag ystod eang o randdeiliaid gan gynnwys sefydliadau’r GIG yng Nghymru, wedi datblygu Fframwaith Ymchwil a Datblygu (pdf).
Mae'r Fframwaith yn amlinellu ‘sut olwg sydd ar ragoriaeth ymchwil' o fewn sefydliadau'r GIG yng Nghymru lle mae ymchwil yn cael ei chofleidio, ei hintegreiddio i wasanaethau, ac mae'n rhan greiddiol o ddiwylliant y sefydliad.
Mae'r Fframwaith yn cael ei weithredu'n lleol gan sefydliadau'r GIG, gyda chefnogaeth genedlaethol drwy'r Rhaglen Gwreiddio Ymchwil yn y GIG. Mae hyn yn cynnwys prosiectau a gydlynir yn genedlaethol i godi ymwybyddiaeth o ymchwil ar draws GIG Cymru, datblygu academyddion clinigol, mesur gwerth economaidd ymchwil ac integreiddio ymchwil i gynlluniau'r gweithlu.
I gael rhagor o wybodaeth am ymchwil yn eich sefydliad chi, cysylltwch â'ch Hyrwyddwr Bwrdd, Swyddfa Ymchwil a Datblygu neu cysylltwch â'n tîm Ymchwil Iechyd a Gofal Cymru cenedlaethol.
Newyddion