Walshe

Kieran Walshe yw Cyfarwyddwr Ymchwil Iechyd a Gofal Cymru ac mae’n Athro Polisi a Rheoli Iechyd yn Ysgol Fusnes Cynghrair Manceinion. Ef hefyd yw cyfarwyddwr anweithredol Ymddiriedolaeth Sefydledig GIG Christie, cadeirydd bwrdd Ymchwil Gwasanaethau Iechyd y DU ac mae’n aelod o Fwrdd Cynghori Rhyngwladol US AcademyHealth. Bu’n aelod o banel REF2014 ar gyfer iechyd cyhoeddus, ymchwil gwasanaethau iechyd a gofal sylfaenol. Ef oedd cyfarwyddwr cyswllt rhaglen gwasanaethau iechyd a chyflawni ymchwil y Sefydliad Cenedlaethol dros Ymchwil Iechyd (NIHR) rhwng 2012 a 2015, a bu’n cyfarwyddo’r rhaglen ymchwil cyflenwi a threfnu gwasanaethau NIHR rhwng 2008 a 2011. Bu’n golygu’r cyfnodolyn Health Services Management Research rhwng 2011 a 2015 a bu’n aelod o’r bwrdd ac yn gadeirydd pwyllgor gwyddonol y Gymdeithas Rheoli Iechyd Ewropeaidd rhwng 2008 a 2015. Rhwng 2003 a 2006 bu’n gyfarwyddwr ar y Ganolfan Polisi Cyhoeddus a Rheoli yn Ysgol Fusnes Manceinion, a rhwng 2009 a 2011 bu’n gyfarwyddwr ar Sefydliad Gwyddorau Iechyd y brifysgol.

Mae ganddo ddeg mlynedd ar hugain o brofiad ym maes ymchwil polisi iechyd, rheoli iechyd a gwasanaethau iechyd. Bu’n gweithio ym Mhrifysgol Birmingham, ym Mhrifysgol California yn Berkeley fel Cymrawd Harkness, ac yn y King's Fund yn Llundain, ac mae ganddo gefndir proffesiynol mewn rheoli gofal iechyd. Mae’n gweithio’n ar y rhyngwyneb rhwng ymchwil, polisi ac ymarfer ac mae’n gwerthfawrogi’r cyfle a ddaw yn sgil hynny i ymgysylltu â chymunedau polisi ac ymarferwyr a rhoi syniadau ar waith. Mae ganddo ddiddordeb ac arbenigedd penodol mewn ansawdd a pherfformiad sefydliadau gofal iechyd; llywodraethu, atebolrwydd a pherfformiad gwasanaethau cyhoeddus; a defnyddio tystiolaeth i werthuso polisïau a dysgu. Mae wedi arwain ystod eang o brosiectau ymchwil wedi’u hariannu gan y Cyngor Ymchwil Economaidd a Chymdeithasol, Yr Adran Iechyd, NIHR, a rhaglenni EU FP7, ac adrannau eraill o’r llywodraeth a sefydliadau’r GIG. Bu’n cynghori llawer o asiantaethau a sefydliadau’r llywodraeth, yn y DU ac yn rhyngwladol, gan gynnwys gweithredu fel cynghorydd ar ddiwygiadau iechyd i bwyllgor dethol Tŷ’r Cyffredin ar iechyd. Mae ei ymchwil presennol yn canolbwyntio’n bennaf ar ddiwygiadau i reoleiddio proffesiynau iechyd, defnyddio prosesau arolygu a sgorio wrth reoleiddio sefydliadau a gwasanaethau gofal iechyd; a galluoedd a phrosesau sefydliadau i wella.

Yn y newyddion:

Cyfarwyddwr Ymchwil Iechyd a Gofal Cymru yn diolch i gymuned ymchwil y GIG am eu hymroddiad a'r gwahaniaeth maen nhw'n ei wneud (Gorffennaf 2023)

Ymchwil Iechyd a Gofal Cymru yn cyhoeddi Fframwaith newydd i wreiddio ac integreiddio ymchwil yn y GIG (Gorffennaf 2023)

Rhaglen waith gyntaf y Ganolfan Dystiolaeth yn ceisio helpu i fynd i'r afael â heriau iechyd a gofal cymdeithasol yng Nghymru (Gorffennaf 2023)

Cyfarwyddwr Ymchwil Iechyd a Gofal Cymru yn croesawu cytundeb cyllido ehangach SCYIaG i hybu ymchwil ar draws y DU (Gorffennaf 2023)

Cydweithio â Gofal Cymdeithasol Cymru yn dod ag ail sioe deithiol ymchwil gofal cymdeithasol i Gaerdydd (Mehefin 2023)

Y Gweinidog Iechyd a Gwasanaethau Cymdeithasol a Chyfarwyddwr Ymchwil Iechyd a Gofal Cymru yn croesawu adroddiad newydd ar y sector treialon clinigol masnachol (Mai 2023)

Ymarferwyr gofal cymdeithasol yn ymgynnull yn Venue Cymru i drafod cefnogaeth i blant a theuluoedd (Mai 2023)

Hwb ariannol i bartneriaeth ymchwil iechyd mamau a babanod newydd (Mai 2023)

Ymchwil Iechyd a Gofal Cymru yn nodi ei uchelgeisiau mewn cynllun tair blynedd newydd (Ebrill 2023)

Astudiaeth newydd yn dangos potensial dysgu peirianyddol wrth nodi pobl ag arthritis llidiol yn gynnar (Ebrill 2023)

Effaith pandemig COVID-19 ar achosion o gyflyrau hirdymor yng Nghymru (Mawrth 2023)